విప‌ణిలోకి రేంజ్ రోవ‌ర్ 2021 ఎవోక్యూ.. రూ.64.12 ల‌క్ష‌ల నుంచి షురూ!

విప‌ణిలోకి రేంజ్ రోవ‌ర్ 2021 ఎవోక్యూ.. రూ.64.12 ల‌క్ష‌ల నుంచి షురూ!| విప‌ణిలోకి జాగ్వార్ లాండ్ రోవ‌ర్ అప్‌డేటెడ్ ఎవోక్యూ మోడ‌ల్ కారును ఆవిష్క‌రి.......

July 6, 2021 / 04:56 PM IST

న్యూఢిల్లీ: టాటా మోటార్స్ అనుబంధ జాగ్వార్ లాండ్ రోవ‌ర్ (జేఎల్ఆర్‌) విప‌ణిలోకి న్యూ రేంజ్ రోవ‌ర్ ఎవోక్యూను మంగ‌ళ‌వారం దేశీయ విప‌ణిలో ఆవిష్క‌రించింది. ఈ మోడ‌ల్ కార్ల ధ‌ర‌లు రూ.64.12 ల‌క్ష‌ల నుంచి మొద‌ల‌వుతాయి. పాత మోడ‌ల్ ఎవోక్యూతో పోలిస్తే అప్‌డేటెడ్ ఎస్‌యూవీ ఎవోక్యూ కారు ధ‌ర రూ.5.08 ల‌క్ష‌లు ఎక్కువ‌. పాత మోడ‌ల్ ఎవోక్యూ కారు ధ‌ర రూ.59.04 ల‌క్ష‌లుగా ఉంది. ఎవోక్యూ కార్ల‌పై ఆస‌క్తి గ‌ల కొనుగోలుదారులు ఆన్‌లైన్‌లో బుకింగ్ న‌మోదు చేసుకోవ‌చ్చు.

ప‌లు వేరియంట్ల‌లో ఎవోక్యూ ల‌భ్యం

జాగ్వార్ లాండ్ రోవ‌ర్ (జేఎల్ఆర్‌) న్యూ ఎవోక్యూ మోడ‌ల్ కారు ఎస్, ఆర్‌-డైన‌మిక్ ఎస్ఈ ట్రిమ్స్ వేరియంట్ల‌లో ల‌భ్యం కానున్న‌ది. ఎవోక్యూ ఎస్ మోడ‌ల్ కారు 2.0 లీట‌ర్ల డీజిల్ ఇంజిన్‌తో 9-స్పీడ్ ఆటోమేటిక్ ట్రాన్సిమిష‌న్ సౌక‌ర్యం క‌లిగి ఉంటుంది. గ‌రిష్ఠంగా 204 పీఎస్‌, 430 ఎన్ఎం టార్చి ల‌భిస్తుంది. ఎవోక్యూ ఆర్‌-డైన‌మిక్ ఎస్ఈ మోడ‌ల్ కారు 2.0 లీట‌ర్ల పెట్రోల్ ఇంజిన్‌తో 9-స్పీడ్ ఆటోమేటిక్ ట్రాన్సిమిష‌న్ సామ‌ర్థ్యంతో రూపుదిద్దారు. ఇది గ‌రిష్ఠంగా 250 పీఎస్ విద్యుత్‌, 365 ఎన్ఎం టార్చిని వెలువరిస్తుంది.

7.6 సెక‌న్ల నుంచి 8.5 సెక‌న్ల‌లోనే 100 కిమీ స్పీడ్‌

ఎవోక్యూ డీజిల్ వేరియంట్ కారు 8.5 సెకన్ల‌లోనూ 100 కి.మీ. స్పీడ్ అందుకుంటుంది. గంట‌కు ఈ మోడ‌ల్ కారు గ‌రిష్ఠ వేగం 213 కిలోమీట‌ర్లు. ఇక ఎవోక్యూ ఆర్ డైన‌మిక్ ఎస్ఈ పెట్రోల్ వేరియంట్ 7.60 సెకన్ల‌లోనే 100 కిలోమీట‌ర్ల వేగాన్ని అందుకుంటుంది. గ‌రిష్ఠంగా 221 కి.మీ. వేగంతో ప్ర‌యాణిస్తుంది.

అప్డేటెడ్ ఎవోక్యూలో ఫీచ‌ర్లు ఇవీ..

2021 రేంజ్ రోవ‌ర్ ఎవోక్యూలో పీవీ ప్రో ఇన్ఫోటైన్‌మెంట్ సిస్ట‌మ్‌, 3డీ స‌రౌండ్ కెమెరా, ఫోన్ సిగ్న‌ల్ బూస్ట‌ర్‌తోపాటు వైర్‌లెస్ డివైజ్ చార్జ‌ర్‌, పీఎం 2.5 ఫిట్ట‌ర్‌తో క్యాబిన్ ఎయిర్ ఐయానిజేష‌న్ త‌దిత‌ర ఫీచ‌ర్లు జ‌త క‌లిశాయి. అప్‌డేటెడ్ ఎస్‌యూవీలో న్యూ డీజ్ గార్నెట్‌, ఎబోనీ డ్యూయ‌ల్ టోన్ ఇంటీరియ‌ర్ థీమ్ ఫీచ‌ర్లు జోడించారు.

లాండ్ రోవ‌ర్ ఇండియా ప్రొడ‌క్ట్స్‌లో నూత‌నంగా న్యూ రేంజ్ రోవ‌ర్ ఎవోక్యూ, డిస్క‌వ‌రీ స్పోర్ట్‌, న్యూ రేంజ్ రోవ‌ర్ వెలార్‌, డిఫెండ‌ర్ 110, రేంజ్ రోవ‌ర్ స్పోర్ట్ మోడ‌ల్ కార్లు విప‌ణిలోకి ప్ర‌వేశించాయి.

రేంజ్ రోవ‌ర్‌, రేంజ్ రోవ‌ర్ స్పోర్ట్ మోడ‌ల్ కార్ల ధ‌ర‌లు ఒక‌సారి చూద్దామా.