యూత్ మెచ్చిన టూ ఇన్ వ‌న్ నెయిల్ పాలిష్‌.. ఎందుకంత క్రేజ్‌ !!

Nail Polish | ఒక రంగును ఎంచుకుని అన్ని వేళ్లకూ ఆ వర్ణాన్నే వేసుకోవడం అన్నది పాత ముచ్చట. కనీసం రెండు రంగులకలయికగా నెయిల్‌ పాలిష్‌ పెట్టుకోవడం, వాటి కాంబినేషన్‌లోనే రకరకాల డిజైన్లతో నెయిల్‌ ఆర్ట్‌ వేసుకోవడం అన్నది సరికొత్త సంగతి. అలా గోళ్లకు జంట రంగులు వేసుకోవడానికి ఏ రెండు వర్ణాల జోడీ బాగుంటుందా అని మనం బుర్ర చించుకుని ఆలోచించనక్కర లేకుండా తయారీ సంస్థలే టూ ఇన్‌ వన్‌ నెయిల్‌ పాలిష్‌లను మార్కెట్లోకి తీసుకొస్తున్నాయి.

చూసినవారు, భలే మంచి కాంబినేషనే అనుకునేలా రకరకాల వర్ణాల మేళవింపుగా తయారు చేస్తున్నాయి. గులాబీరంగుకు లేత ఊదా, ఆకుపచ్చకు బచ్చలపండు రంగు, చాక్లెట్‌ రంగుకు మట్టి ఎరుపు… ఇలా ఒకే ప్యాక్‌ను రెండు రంగుల కలబోతగా రూపొందిస్తున్నారు. చమ్కీలతో మెరిసే గ్లిట్టర్‌ నెయిల్‌ పాలిష్‌లను వివిధ రంగులతో కలిపి వాడటం కొందరికి ఇష్టం. అలాంటి వాళ్ల కోసం ఒక నిండు రంగుతో పాటు బంగారం, వెండి.. ఇలా మెరుపుల పాలిష్‌లనూ జతగా ఇస్తున్నారు. నెయిల్‌ పాలిష్‌ వేసుకోవడం అన్నది ఒక కళగా మారిన ఈ రోజుల్లో టూ ఇన్‌ వన్‌ నెయిల్‌పాలిష్‌లు యూత్‌కు టూ మచ్‌గా నచ్చేయడంలో వింతేం లేదు. ‘గోటి కోసం కోటి తిప్పలు’ అంటే ఇదే!

Read More :

“నెయిల్ పాలిష్ ఎక్కువ రోజులు ఉండాలంటే ఈ చిట్కాలు పాటించండి”

“మారిన ఫ్యాష‌న్‌.. కొత్త రంగులు, వింత షేడ్స్‌లో నెయిల్ పాలిష్‌”

“గోళ్లు కొరుకుతున్నారా? ఈ అల‌వాటు మాన‌క‌పోతే ఎంత ప్ర‌మాద‌మో తెలుసా !!”