Tirumala | శ్రీవారిని దర్శించుకున్న కేంద్ర మంత్రి నితిన్‌ గడ్కరీ

Tirumala | కేంద్ర రోడ్డు రవాణా, రహదారుల శాఖ మంత్రి నితిన్ గడ్కరీ గురువారం తెల్లవారుజామున తిరుమలలో వేంకటేశ్వరస్వామిని దర్శించుకున్నారు.

తిరుమల :కేంద్ర రోడ్డు రవాణా, రహదారుల శాఖ మంత్రి (Union Minister) నితిన్ గడ్కరీ (Nitin Gadkary) గురువారం తెల్లవారుజామున తిరుమల(Tirumala) లో వేంకటేశ్వరస్వామిని దర్శించుకున్నారు. ఈ సందర్భంగా ఆయన ప్రత్యేక పూజలు నిర్వహించారు.

మంత్రి రాక సందర్భంగా టీటీడీ జెఈవో వీరబ్రహ్మం, ఆలయ అర్చకులు ఘన స్వాగతం పలికి గర్భగుడి వద్దకు తీసుకెళ్లారు. దర్శనానంతరం రంగనాయకుల మండపంలో ఆయనకు వేదపండితులు వేదాశీర్వచనం అందించారు. అనంతరం జేఈవో శ్రీవారి తీర్థప్రసాదాలు, శ్రీవారి చిత్రపటాన్ని అందజేశారు.

తిరుమలలో కొనసాగుతున్న భక్తుల రద్దీ
తిరుమలలో భక్తుల రద్దీ కొనసాగుతుంది. వివిధ ప్రాంతాల నుంచి వచ్చిన భక్తులు స్వామివారి దర్శనం కోసం 31 కంపార్టుమెంట్లలో వేచియున్నారు. టోకెన్లు లేని భక్తులకు 18 గంటల్లో సర్వదర్శనం (Sarvadarsan) కలుగుతుందని టీటీడీ అధికారులు పేర్కొన్నారు. నిన్న స్వామివారిని 69,029 మంది భక్తులు దర్శించుకోగా 28,547 మంది తలనీలాలు సమర్పించుకున్నారు. భక్తులు సమర్పించుకున్న కానుకల ద్వారా హుండీకి రూ. 2.90 కోట్ల ఆదాయం వచ్చిందన్నారు.

Read more :  

TTD Laddu Prasadam | తిరుమలలో లడ్డూ తయారీపై ఎటువంటి అపోహలొద్దు: టీటీడీ

AP airports | ఆంధ్రప్రదేశ్‌కు మూడు కొత్త ఎయిర్‌పోర్టులు : పురందేశ్వరి