అలాంటి బుద్ధి ఆయనకొక్కడికే ఉన్నది: ఎంపీ విజయసాయిరెడ్డి

ఎంపీ విజయసాయిరెడ్డి ట్విటర్‌ వేదికగా స్పందించారు. డీజీపీ పదవి నుంచి గౌతమ్‌ సవాంగ్‌ను మార్చడంలో ఏమాత్రం రాజకీయంల లేదని, డీజీపీలను మార్చే బుద్ధి చంద్రబాబుకు ఒక్కడికే...

ఆంధ్రప్రదేశ్‌ డీజీపీగా ఉన్న గౌతమ్‌ సవాంగ్‌ను ఆకస్మికంగా తొలగించడంపై సర్వత్రా నిరసనలు వ్యక్తమవుతున్నాయి. ఈ నేపథ్యంలో టీడీపీ నేతలు కూడా బహిరంగంగా విమర్శలు చేశారు. దీనిపై ఎంపీ విజయసాయిరెడ్డి ట్విటర్‌ వేదికగా స్పందించారు. డీజీపీ పదవి నుంచి గౌతమ్‌ సవాంగ్‌ను మార్చడంలో ఏమాత్రం రాజకీయంల లేదని, డీజీపీలను మార్చే బుద్ధి చంద్రబాబుకు ఒక్కడికే ఉన్నదన్నారు.

చంద్రబాబు హయాంలో నలుగురు డీజీపీలను మార్చారని ట్విటర్‌లో తెలిపారు. అయితే, ఈ విషయాన్ని టీడీపీ నేతలు మరిచిపోయినట్లున్నారని ఎద్దేవా చేశారు. గౌతమ్‌ సవాంగ్‌పై ఏదో ప్రేమ ఒలకబోస్తున్నట్లు పచ్చ బ్యాచ్‌ గగ్గోలు పెడుతుందని విమర్శించారు. అయితే, సవాంగ్‌ సేవలను మరో రకంగా వినియోగించుకోవడానికే ఇలా నిర్ణయం తీసుకున్నదని, దీంతో టీడీపీ నేతలకు మింగుడు పడటం లేదన్నారు. ఏరు దాటిన తర్వాత తెప్ప తగిలేయడం చంద్రబాబు మార్క్‌ రాజకీయమని విమర్శించారు. అలాంటి రాజకీయాలు చేయాల్సిన అవసరం వైసీపీకి లేదన్నారు. సవాంగ్‌ను ఏపీపీఎస్సీ చైర్మన్‌గా చేయడంతో పచ్చ మీడియాకు షాక్‌ తగిలిందని పేర్కొన్నారు.

సవాంగ్‌ అనూహ్య బదిలీపై అటు పవన్‌ కల్యాణ్‌ కూడా స్పందించారు. ఆయనను తప్పించడానికి గల కారణాలను ప్రజలకు వివరించాలని పవన్‌ కల్యాణ్‌ డిమాండ్‌ చేశారు. విజయవాడలో ఉద్యోగుల ర్యాలీ విజయవంతం కావడంతోనే ఆయనను తప్పించారని అన్ని వర్గాల వారు వ్యాఖ్యానించారు.

చంద్రబాబు5 ఏళ్ల పాలనలో నలుగురు డీజీపీలను మార్చినా ఒక్కరూ మాట్లాడలేదు. జగన్ గారి హయాంలో 30 నెలలు డీజీపీగా చేసిన గౌతమ్ సవాంగును మారిస్తే ఆయనపై ఎదో ప్రేమున్నట్లు పచ్చ బ్యాచ్ గగ్గోలు. సవాంగ్ ను APPSC చైర్మన్ చేయడంతో పచ్చ మీడియాకు షాక్. ఏరుదాటాక తెప్ప తగలేయడం బాబు మార్క్ పాలిటిక్స్.

— Vijayasai Reddy V (@VSReddy_MP) February 17, 2022