Green India Challenge | గ్రీన్ ఇండియా చాలెంజ్‌లో పాల్గొన్న శ్రీ శారదా పీఠాధిపతులు

Green India Challenge | రాజ్యసభ సభ్యులు జోగినిపల్లి సంతోష్ కుమార్ చేపట్టిన గ్రీన్ ఇండియా చాలెంజ్ స్ఫూర్తిమంతంగా సాగుతోంది. దసరా పండుగ సందర్భంగా

వైజాగ్‌: రాజ్యసభ సభ్యులు జోగినిపల్లి సంతోష్ కుమార్ చేపట్టిన గ్రీన్ ఇండియా చాలెంజ్ స్ఫూర్తిమంతంగా సాగుతోంది. దసరా పండుగ సందర్భంగా ‘‘ఊరు ఊరుకో జమ్మిచెట్టు – గుడి గుడికో జమ్మిచెట్టు’’ కార్యక్రమంలో విశాఖ శ్రీ శారదాపీఠం ప్రాంగణంలో పీఠాధిపతులు స్వరూపానందేంద్ర సరస్వతీ స్వామి, స్వాత్మానందేంద్ర సరస్వతీ స్వామి పాల్గొన్నారు. ఈ క్రమంలో శ్రీ శారదాపీఠం ప్రాంగణంలో జమ్మిచెట్టును నాటారు.

శ్రీ శారదాపీఠంలో విజయదశమి వేడుకలు ఘనంగా ప్రారంభమయ్యాయి. శ్రీ శారదా స్వరూప రాజశ్యామల అమ్మవారు విజయదుర్గ అవతారంలో దర్శనమిచ్చింది. షడ్భుజి రూపంలో అమ్మవారి అవతారాన్ని తీర్చిదిద్దారు. రుద్రాక్షమాల, కమండలం, శూలం, ఢమరుకం, శంఖుచక్రాలు, పాశాంకుశాలు చేతపట్టి భక్తులను అనుగ్రహించింది అమ్మవారు.