YS Sharmila | ఏపీలోనూ రైతుల రుణమాఫీ చేయాలి : వైఎస్‌ షర్మిల డిమాండ్‌

YS Sharmila | తెలంగాణలో మాదిరిగా ఆంధ్రప్రదేశ్‌లోనూ రైతుల రుణమాఫీ చేయాలని ఏపీ పీసీసీ అధ్యక్షురాలు వైఎస్‌ షర్మిల శుక్రవారం ఎక్స్‌ ద్వారా కూటమి ప్రభుత్వాన్ని డిమాండ్‌ చేశారు.

అమరావతి : తెలంగాణలో మాదిరిగా ఆంధ్రప్రదేశ్‌ (Andhra Pradesh) లోనూ రైతుల రుణమాఫీ (Farmers loans) చేయాలని ఏపీ పీసీసీ అధ్యక్షురాలు వైఎస్‌ షర్మిల(YS Sharmila) శుక్రవారం ఎక్స్‌ ద్వారా కూటమి ప్రభుత్వాన్ని డిమాండ్‌ చేశారు. రైతుల తలసరి అప్పులో, దేశవ్యాప్తంగా మొదటి స్థానంలో ఉన్న ఆంధ్రప్రదేశ్ లో రైతు రుణమాఫీ ఎందుకు చేయరని ఆమె ప్రశ్నించారు.

సుమారు రూ. 2,45,554 రుణం ప్రతి రాష్ట్ర రైతు నెత్తి మీద కత్తిలా వేలాడుతోందని పేర్కొన్నారు. గడచినా దశాబ్దంలో అటు కరువు, తుఫానులు, ఇటు పూర్తికాని ప్రాజెక్టులు, సర్కారుల నిర్లక్ష్యం, వెరసి రాష్ట్ర వ్యవసాయం సర్వనాశనం అయిపోయిందని ఆందోళన వ్యక్తం చేశారు. మరి డబుల్ ఇంజిన్ సర్కారు నడుపుతున్న కూటమి సర్కార్‌, కేంద్ర సాయంతో ఎందుకు రుణమాఫీ చేయరని అన్నారు.

కాంగ్రెస్ అధికారంలోకి వచ్చి ఉంటే, రెండు లక్షల రూపాయల రుణమాఫీ, ఇచ్చిన మాట ప్రకారం కచ్చితంగా చేసి ఉండేదని గుర్తు చేశారు. ఇప్పటికైనా రైతు రుణమాఫీ చేసి, చితికిపోయిన ఏపీ రైతులకు చేయూతనివ్వాలని ఆమె కోరారు. ఇది ఛాయిస్ కాకూడదు, బాధ్యత అనుకోవాలని సూచించారు.

Read more : 

AP News | పిల్లల అల్లరి మాన్పించేందుకు డ్రామా.. ఉరి బిగుసుకుని తండ్రి మృతి

Daggubati Purandheswari | రాష్ట్రంలో హింస పెరిగిందని కేంద్రానికి జగన్‌ లేఖ.. మండిపడ్డ పురంధేశ్వరి