Dial Your EO | శ్రీవారి భక్తుల కోసం మే 3న డ‌య‌ల్ యువ‌ర్ ఈవో

Dial Your EO | ఈనెల 3న డయల్‌యువర్‌ ఈవో కార్యక్రమాన్ని నిర్వహిస్తున్నామని టీటీడీ అధికారులు తెలిపారు.

తిరుమల : తిరుమల,తిరుపతి దేవస్థానం పరిధిలో ఉన్న ఆలయాల్లో సౌకర్యాల కల్పన, ఇతర సమస్యలను విన్నవించడానికి ఈనెల 3న డయల్‌యువర్‌ ఈవో (Dial Your EO) కార్యక్రమాన్ని నిర్వహిస్తున్నామని టీటీడీ(TTD) అధికారులు తెలిపారు.

శుక్రవారం ఉదయం 9 నుంచి 10 గంటల వరకు నిర్వహించే కార్యక్రమంలో భక్తులు నేరుగా ఫోన్‌ ద్వారా తమ సమస్యలను ఈవో ధర్మారెడ్డికి వివరించవచ్చని పేర్కొన్నారు. ఈ కార్యక్రమాన్ని శ్రీ వేంక‌టేశ్వర భ‌క్తి ఛాన‌ల్ ప్రత్యక్ష ప్రసారం చేస్తుందని వివరించారు. భక్తులు తమ సందేహాలను, సూచనలను నెంబరు 0877-2263261 ఫోన్‌ ద్వారా నేరుగా మాట్లాడి తెలుపవచ్చని వెల్లడించారు.

శ్రీవారి ఆలయానికి రూ. 3.59 కోట్లు ఆదాయం రాక
తిరుమలలో భక్తుల రద్దీ కొనసాగుతుంది . వివిధ ప్రాంతాల నుంచి శ్రీవారి దర్శనం కోసం వచ్చిన భక్తులతో ఆరు కంపార్టుమెంట్లు నిండిపోగా టోకెన్లు లేని భక్తులకు 8 గంటల్లో సర్వదర్శనం కలుగుతుందని తెలిపారు. నిన్న స్వామివారిని 72,310 మంది భక్తులు దర్శించుకోగా 28,731 మంది తలనీలాలు సమర్పించుకున్నారు. భక్తులు సమర్పించుకున్న కానుకల ద్వారా హుండీ ఆదాయం (Hundi Income) రూ. 3.59 కోట్లు వచ్చిందన్నారు.