Visit:
అమరావతి: ఎన్నికల ఫలితాలు వెలువడిన ప్రతిసారి ఈవీఎంల (EVM) పారదర్శకతపై చర్చజరుగుతూనే ఉంటుంది. ఈవీఎంలను ట్యాంపరింగ్ చేయవచ్చని, వాటివల్లే అధికారంలో ఉండే పార్టీలు గెలువగలుగుతున్నాయని విమర్శలు వెళ్లువెత్తుతున్నాయి. ఈవీఎం పద్ధతిలో ఎన్నికలు జరగడాన్ని టెస్లా చీఫ్‌ ఎలాన్‌ మస్క్‌ తప్పుబట్టిన విషయం తెలిసిందే. అమెరికాలో జరిగే అధ్యక్ష ఎన్నికల్లో వాటిని ఉపయోగించకూడదని అక్కడి ప్రభుత్వాన్ని రెండు రోజుల ఎక్స్‌ వేదికగా కోరారు. ఈవీఎంలను ఈజీగా హ్యాకింగ్‌ చేయవచ్చని చెప్పారు. దీనిపై కాంగ్రెస్‌ అగ్రనేత రాహుల్‌ గాంధీ కూడా స్పందించారు. భారత్‌లో ఈవీఎంలు ఒక బ్లాక్‌ బాక్స్‌ అని ఎద్దేవా చేశారు. వాటిని క్రాస్‌ చెక్‌ చేయడానికి ఎవరికీ అనుమతి ఉండదంటూ విమర్శలు చేశారు. ఈవీఎంలు లేకపోతే బీజేపీకి 40 సీట్లు కూడా వచ్చేవి కాదని మహారాష్ట్ర మాజీ ముఖ్యమంత్రి ఉద్ధవ్‌ ఠాక్రే విమర్శించారు. తాజాగా ఈ జాబితాలో ఏపీ మాజీ సీఎం, వైసీపీ అధినేత వైఎస్‌ జగన్‌ (YS Jagan) కూడా చేరారు.
న్యాయం జరగడం ఒక్కటే ముఖ్యం కాదు.. జరిగినట్లు కనిపించాలి కూడా. ప్రజాస్వామ్యం గెలవడంతోపాటు నిస్సందేహంగా గెలిచినట్లు కనిపించాలి కూడా అంటూ ఎక్స్‌ వేదికగా జగన్‌ ట్వీట్‌ చేశారు. ప్రపంచం మొత్తమ్మీద ప్రజాస్వామ్యం కొనసాగుతున్న అత్యధిక దేశాల్లో ఎన్నికల ప్రక్రియ కోసం పేపర్‌ బ్యాలెట్‌ వాడుతున్నారు. ఈవీఎంలు కాదు. ప్రజాస్వామ్యం అసలైన స్ఫూర్తిని కొనసాగించేందుకు మనం కూడా ఇదే దిశగా ముందుకు కదలాలని చెప్పారు.
Just as justice should not only be served, but should also appear to have been served, so should democracy not only prevail but must appear to be prevalent undoubtedly.
In electoral practices across the world in almost every advanced democracy, paper ballots are used, not EVMs.…
— YS Jagan Mohan Reddy (@ysjagan) June 18, 2024
