Cyclone Murasu | తీవ్ర తుపానుగా బలపడిన ‘మురాసు’.. ఏపీ తీరానికి పొంచి ఉన్న పెను ముప్పు!
Cyclone Murasu | బంగాళాఖాతంలో ఏర్పడిన ‘మురాసు’ తుపాను మరింత బలపడి తీవ్ర తుపానుగా మారింది. ఆంధ్రప్రదేశ్ తీరానికి పెను ముప్పుగా పరిణమిస్తున్నది.
Cyclone Murasu | బంగాళాఖాతంలో ఏర్పడిన ‘మురాసు’ తుపాను మరింత బలపడి తీవ్ర తుపానుగా మారింది. ఇది ఆంధ్రప్రదేశ్ తీరానికి పెను ముప్పుగా పరిణమిస్తున్నది. భారత వాతావరణ శాఖ (ఐఎండీ) వెల్లడించిన తాజా బులెటిన్ ప్రకారం.. పశ్చిమ మధ్య బంగాళాఖాతం, దానికి ఆనుకుని ఉన్న నైరుతి బంగాళాఖాతంలో కొనసాగుతున్న ఈ తుపాను గత ఆరు గంటల్లో గంటకు 20 కిలోమీటర్ల వేగంతో వాయవ్య దిశగా కదిలింది. నవంబర్ 2న తెల్లవారుజామున 2.30 గంటలకు 13.6 డిగ్రీల ఉత్తర అక్షాంశం, 82.5 డిగ్రీల తూర్పు రేఖాంశం వద్ద కేంద్రీకృతమై ఉన్నది.
ప్రస్తుతం చెన్నైకి తూర్పు-ఈశాన్యంగా 260 కిలోమీటర్లు, నెల్లూరుకు ఆగ్నేయంగా 290 కిలోమీటర్లు, మచిలీపట్నానికి ఆగ్నేయంగా 320 కిలోమీటర్లు, కావలికి ఆగ్నేయంగా 310 కిలోమీటర్లు, ఒంగోలుకు ఆగ్నేయంగా 330 కిలోమీటర్లు, విశాఖపట్నానికి దక్షిణంగా 470 కిలోమీటర్ల దూరంలో తుపాను ఉన్నదని ఐఎండీ తెలిపింది.
ఒంగోలు సమీపంలో తీరం దాటే అవకాశం
మురాసు తుపాను వాయవ్య దిశగా కదులుతూ మరింత తీవ్రరూపం దాల్చే అవకాశం ఉన్నదని వాతావరణ శాఖ అంచనా వేసింది. నవంబర్ 2 అర్ధరాత్రి 11.30 గంటల నుంచి నవంబర్ 3 తెల్లవారుజామున 4 గంటల మధ్య నెల్లూరు-నర్సాపురం మధ్య ఒంగోలుకు సమీపంలో దక్షిణ ఆంధ్రప్రదేశ్ తీరాన్ని దాటే అవకాశం ఉన్నదని వెల్లడించింది. తీరం దాటే సమయంలో గంటకు 100 నుంచి 110 కిలోమీటర్ల వేగంతో గాలులు వీచే అవకాశం ఉన్నది. అప్పుడప్పుడు గాలుల వేగం 120 కిలోమీటర్లకు చేరవచ్చని హెచ్చరించింది.
ఆరు జిల్లాలకు భారీ వర్ష సూచన
తుపాను ప్రభావంతో ఆంధ్రప్రదేశ్లోని పలు జిల్లాల్లో నవంబర్ 3, 4 తేదీల్లో భారీ నుంచి అతిభారీ వర్షాలు కురిసే అవకాశం ఉన్నది. ముఖ్యంగా ఏలూరు, కృష్ణా, ఎన్టీఆర్, పశ్చిమగోదావరి, గుంటూరు, బాపట్ల జిల్లాల్లో వర్ష ప్రభావం అధికంగా ఉండనున్నది. రాష్ట్రవ్యాప్తంగా 20 మండలాల్లో అత్యంత భారీ వర్షాలు కురిసే అవకాశం ఉన్నది. వీటిలో ఏలూరు జిల్లాలో తొమ్మిది మండలాలు, కృష్ణా జిల్లాలో ఐదు, ఎన్టీఆర్ జిల్లాలో ఐదు, బాపట్ల జిల్లాలో ఒక మండలం ఉన్నది.
ఏపీకి సీఎం విజయ్ సాయం
మురాసు తుపాను ప్రభావంతో ఆంధ్రప్రదేశ్లో విద్యుత్ వ్యవస్థకు తీవ్ర నష్టం వాటిల్లుతున్నది. పెద్ద సంఖ్యలో విద్యుత్ స్తంభాలు దెబ్బతినడంతో సరఫరా పునరుద్ధరణకు సిబ్బంది, యంత్రాలు అవసరమయ్యాయి. ఈ నేపథ్యంలో ఏపీ సీఎం చంద్రబాబునాయుడు తమిళనాడు ముఖ్యమంత్రి సి. జోసెఫ్ విజయ్కు ఫోన్ చేసి సహాయం కోరారు. విద్యుత్ పునరుద్ధరణ పనుల కోసం సిబ్బంది, యంత్రాలను పంపించాలని విజ్ఞప్తి చేశారు. దీనికి విజయ్ సానుకూలంగా స్పందించినట్టు ఏపీ సీఎంవో వెల్లడించింది.
ప్రజలు అప్రమత్తంగా ఉండాలి
తుపాను తీరం దాటే సమయంలో బలమైన గాలులు, భారీ వర్షాలు సంభవించే అవకాశం ఉన్నందున తీరప్రాంత ప్రజలు అప్రమత్తంగా ఉండాలని వాతావరణ శాఖ అధికారులు సూచించారు. లోతట్టు ప్రాంతాల ప్రజలు అధికారులు సూచించే జాగ్రత్తలు పాటించాలన్నారు. విద్యుత్ స్తంభాలు, చెట్లు, హోర్డింగులకు దూరంగా ఉండాలని హెచ్చరించారు.
Read Today's Latest Andhrapradesh-news News in Telugu and Telugu News
RELATED ARTICLES
తాజా వార్తలు
Disha Patani | సైకిల్ పక్కన దిశా పటానీ అందాల పోజులు.. లేటెస్ట్ ఫొటోలు వైరల్
Madhavaram krishna Rao | ట్రక్ పార్క్ భూములను అమ్మొద్దు.. నిరాహార దీక్షలో ఎమ్మెల్యే మాధవరం కృష్ణారావు
TTD | టీటీడీ ఎస్వీ ప్రాణదాన ట్రస్టుకు రూ.50 లక్షల విరాళం
Shraddha Kapoor | శ్రద్ధా కపూర్ ట్రెడిషనల్ లుక్.. పసుపు చీరలో మెరిసిపోయిన బాలీవుడ్ బ్యూటీ
Jabardasth | జబర్దస్త్ కమెడియన్లు దొరబాబు, రైజింగ్ రాజుకు రోడ్డు ప్రమాదం.. భీమవరం సమీపంలో ఘటన!
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

