AP Minister Anitha | తిరుమల శ్రీవారిని దర్శించుకున్న ఏపీ హోంమంత్రి అనిత

AP Minister Anitha | ఏపీ హోంమంత్రి వంగలపూడి అనిత శనివారం తిరుమల శ్రీవారిని దర్శించుకున్నారు.

తిరుమల : ఏపీ హోంమంత్రి వంగలపూడి అనిత ( Minister Anitha ) శనివారం తిరుమల ( Tirumala) శ్రీవారిని దర్శించుకున్నారు. కుటుంబ సభ్యులతో కలసి నిన్న మెట్లమార్గాన కొండపైకి చేరుకున్న ఆమె రాత్రి తిరుమలలో బస చేశారు. శనివారం ఉదయం ఆలయానికి చేరుకున్న ఆమెకు అధికారులు లాంఛనంగా స్వాగతం పలికారు.

దర్శనం అనంతరం రంగనాయకుల మండపంలో వేద పండితులు ఆశ్వీరచనాలు, తీర్థప్రసాదాలను అందజేశారు. అనంతంర ఆమె మీడియాతో మాట్లాడారు. మొక్కుబడి తీర్చుకోవడానికి ఆలయానికి వచ్చినట్లు చెప్పారు. స్వామివారి ఆశీస్సులు చంద్రబాబు(Chandra Babu), పవన్‌కల్యాణ్‌ (Pawankalyan), ఎన్డీయేకూటమి మీద ఉండాలని కోరుకున్నానని తెలిపారు. తిరుమలకు వస్తున్న భక్తులకు గతంలో కంటే మెరుగైన సౌకర్యాలు, లడ్డూ ప్రసాదం, అన్న ప్రసాదం అందుతుండడం వల్ల ఆనందంగా కనిపిస్తున్నారని వెల్లడించారు.