AP Governor | ఏపీ గవర్నర్‌కు తీవ్ర అస్వస్థత .. ఆస్పత్రిలో చేరిక

AP Governor | ఏపీ గవర్నర్‌ అబ్దుల్‌ నాజిర్‌(Governor Abdul Nazeer) తీవ్ర అస్వస్థతకు లోనయ్యారు. దీంతో ఆయనను మణిపూర్‌ ఆసుపత్రి లో చేర్చి చికిత్స అందజేస్తున్నారు.

ఏపీ గవర్నర్‌ అబ్దుల్‌ నాజిర్‌(Governor Abdul Nazeer) తీవ్ర అస్వస్థతకు లోనయ్యారు. దీంతో అప్రమత్తమైన భద్రతా సిబ్బంది ఆయన్ను విజయవాడలోని మణిపాల్‌ ఆసుపత్రికి తరలించారు. అక్కడి వైద్యులు గవర్నర్‌కు చికిత్స అందిస్తున్నారు. గవర్నర్‌ అబ్దుల్‌ నాజిర్‌కు వైద్య పరీక్షలు చేసి.. ఎండోస్కోపీ నిర్వహించాలని వైద్యులు సూచించినట్లు తెలుస్తోంది. గవర్నర్‌ ఆరోగ్యం ప్రస్తుతం నిలకడగానే ఉన్నట్లు తెలుస్తోంది. కాగా, ఉన్నట్టుండి గవర్నర్‌ అనారోగ్యానికి గురి కావడానికి గల కారణాలు మాత్రం తెలియరాలేదు. దీనిపై ఏపీ రాజ్‌భవన్‌ కూడా ఎలాంటి ప్రకటన చేయలేదు.

నాజిర్‌ గత ఏడాదికాలంగా ఏపీకి గవర్నర్‌గా సేవలందిస్తున్నారు. అంతకుముందు 2017 -2023 వరకు సుప్రీం కోర్టు (Supreme Court) లో జడ్జిగా పనిచేశారు.