‘కార్మిక గర్జన’ను విజయవంతం చేయాలి : మాజీ ఎమ్మెల్యే దుర్గం చిన్నయ్య

సింగరేణి కార్మిక గర్జన భారీ బహిరంగ సభను విజయవంతం చేయాలని మాజీ ఎమ్మెల్యే దుర్గం చిన్నయ్య పిలుపునిచ్చారు.

తాండూర్, అక్టోబర్ 13 : సింగరేణి కార్మికుల సమస్యల పరిష్కారం, హక్కుల పరిరక్షణ కోసం ఈ నెల 14న గోదావరిఖనిలో బీఆర్ఎస్ వర్కింగ్ ప్రెసిడెంట్ కేటీఆర్ ఆధ్వర్యంలో నిర్వహించనున్న ‘సింగరేణి కార్మిక గర్జన’ భారీ బహిరంగ సభను విజయవంతం చేయాలని మాజీ ఎమ్మెల్యే దుర్గం చిన్నయ్య పిలుపునిచ్చారు. మంచిర్యాల జిల్లా తాండూర్ లో మంగళవారం సింగరేణి కార్మిక గర్జన సన్నాహక సమావేశం నిర్వహించారు. సభను విజయవంతం చేయడానికి చేపట్టాల్సిన కార్యాచరణపై బీఆర్ఎస్ శ్రేణులకు ఆయన దిశానిర్దేశం చేశారు.

బీఆర్ ఎస్ రాష్ట్ర వర్కింగ్ ప్రెసిడెంట్ కేటీఆర్ ఈ సభకు ముఖ్య అతిథిగా హాజరవుతారని పేర్కొన్నారు.
తాండూర్ మండలం నుంచి నాయకులు, కార్యకర్తలు, సింగరేణి కార్మికులు పెద్ద సంఖ్యలో తరలివచ్చి సభను విజయవంతం చేయాలని కోరారు. ఈ సమావేశంలో బీఆర్ఎస్ పార్టీ మండల అధ్యక్షుడు సుబ్బ దత్తుమూర్తి, మాజీ ఎంపీపీ పూసాల ప్రణయ్ కుమార్, మాజీ జెడ్పిటిసి మంగపతి సురేష్ బాబు, సీనియర్ నాయకులు మహోర్కర్ దత్తాత్రేయరావు, బోనగిరి చంద్రశేఖర్, మాసాడి శ్రీరాములు, ఎలుక రామచందర్, గట్టు సంతోష్ కుమార్, మొగిలి శంకర్, గడ్డం మణి కుమార్, కిష్టఫర్, దుర్గం శ్రీనివాస్, బోడ సతీష్, జాడి పోషం, గొమాస తిరుపతి, చింటూ, బాబుఖాన్, ప్రదీప్ రావు, ఉప్పుట్ల సంతోష్, ఇక్బాల్, రాకేష్, బీఆర్ఎస్ పార్టీ నాయకులు, కార్యకర్తలు, టీబీజీకేఎస్ నాయకులు, తదితరులు పాల్గొన్నారు.