కౌటాల‌లో భారీగా గుట్కా స్వాధీనం

కొమురంభీం ఆసిఫాబాద్ : జిల్లాలోని కౌటాల మండ‌ల కేంద్రంలో నిషేధిత గుట్కాను పోలీసులు భారీగా స్వాధీనం చేసుకున్నారు. ప‌ట్టుబ‌డ్డ గుట్కా విలువ రూ.5.25 ల‌క్ష‌లుగా స‌మాచారం. టాస్క్‌ఫోర్స్ ఇన్‌స్పెక్ట‌ర్ రానా ప్ర‌తాప్ మాట్లాడుతూ.. మండ‌ల కేంద్రంలోని సంజ‌య్ శంక‌ర్ అనే వ్యాపారి ఇంట్లోంచి గుట్కాను స్వాధీనం చేసుకున్న‌ట్లు చెప్పారు. వ్యాపారిని, గుట్కాను స్థానిక పోలీసుల‌కు అప్ప‌గించిన‌ట్లు తెలిపారు. ఎస్ఐ ప్ర‌సాద్‌, కానిస్టేబుళ్లు మ‌ధు, తిరుప‌తి, సంప‌త్‌, సంజ‌య్‌, ర‌మేశ్ ఈ సోదాల్లో పాల్గొన్నారు.