Tigers | పులుల సంరక్షణతో పర్యావరణ సమతుల్యత సాధ్యం : దేవిదాస్

పులుల సంరక్షణతో పర్యావరణ సమతుల్యత సాధ్యం అవుతుందని ఆసిఫాబాద్ అటవీ డివిజన్ అధికారి దేవిదాస్ అన్నారు.

ఆసిఫాబాద్ టౌన్,జూలై29 : పులుల సంరక్షణతో పర్యావరణ సమతుల్యత సాధ్యం అవుతుందని ఆసిఫాబాద్ అటవీ డివిజన్ అధికారి దేవిదాస్ అన్నారు. అంతర్జాతీయ పులుల దినోత్సవాన్ని(International Tiger Day) పురస్కరించుకుని మంగళవారం అటవీ శాఖ ఆధ్వర్యంలో చేపట్టిన బైక్ ర్యాలీని జెండా ఊపి ప్రారంభించా రు. ఈ సందర్భంగా ఆయన మాట్లాడుతూ పులుల సంరక్షణతో పర్యావరణ సమతుల్యత సాధ్యమవుతుందని తెలిపారు. పోడుసాగు వల్ల అటవీ విస్తీర్ణం తగ్గడంతో పులుల సంరక్షణ కష్టంగా మారిందన్నారు. దీనికి అడవులను నరకకుండా ఉండడమే పరిష్కారం అని అన్నారు.

జిల్లాలోని గిరిజనులకు పలుచోట్ల వెదురుతో వస్తువుల తయారీపై అవసరమైన శిక్షణ అందిస్తున్నామని ఈ అవకాశాన్ని సద్వినియోగం చేసుకోవాలని సూచించారు. ఆదివాసీలకు అటవీశాఖ ఎల్లప్పుడూ అండగా ఉంటుందని భరోసా ఇచ్చారు. అనంతరం జిల్లా కార్యాలయం నుండి ప్రారంభమైన బైక్ ర్యాలీ హెడ్ క్వార్టర్స్ మీదుగా ఎమ్మెల్యే ఇంటి నుండి సబ్ జైలు మీదుగా కార్యాలయం వరకు సాగింది. ఈ కార్యక్రమంలో ఆసిఫాబాద్ రేంజ్ అధికారి గోవింద్ చంద్ సర్దార్, డిప్యూటీ రేంజ్ అధికారులు యోగేష్, ఝాన్సీరాణి, విజయ్ ప్రకాష్, సెక్షన్ అధికారులు మహేందర్, విజయ్, సతీష్, బీట్ అధికారులు  సిబ్బంది తదితరులు పాల్గొన్నారు.