Nominations | కాసిపేట మండలంలో మొత్తం 8 నామినేషన్లు దాఖలు

Kasipeta | మండలంలో ఆదివారం స్థానిక సంస్థల ఎన్నికల ప్రక్రియలో భాగంగా రెండో దశ నామినేషన్ల స్వీకరణ కార్యక్రమం ప్రారంభమైంది.

కాసిపేట : మండలంలో ఆదివారం స్థానిక సంస్థల ఎన్నికల ప్రక్రియ ( Local Elections) లో భాగంగా రెండో దశ నామినేషన్ల స్వీకరణ కార్యక్రమం ప్రారంభమైంది. మొదటి రోజు నామినేషన్లు స్వల్పంగా నమోదయ్యాయి. మండలంలో మొత్తం 22 గ్రామ పంచాయతీలకు సంబంధించి సర్పంచ్, వార్డు సభ్యుల నామినేషన్ల (Nominations) స్వీకరణ కోసం ఏడు కేంద్రాలను ఏర్పాటు చేశారు.

22 పంచాయతీలకు కాసిపేట, ముత్యంపల్లి, కోమటిచేను, కోనూర్, ధర్మారావుపేట, సోనాపూర్, దేవాపూర్ గ్రామ పంచాయతీ కార్యాలయాల్లో నామినేషన్ స్వీకరణ కేంద్రాలను ఏర్పాటు చేశారు. ఆదివారం మొదటి రోజు మొత్తం 22 సర్పంచ్ స్థానాలకు 3 నామినేషన్లు పడ్డాయి. 190 వార్డు స్థానాలకు 5 నామినేషన్లు పడ్డాయి.

కొండాపూర్‌లో ఉత్తూరి వాసవి, కోనూర్‌లో పేరం మల్లేష్, దేవాపూర్‌లో పర్చాకి ఈశ్వర్ సర్పంచ్ స్థానాలకు నామినేషన్లు వేశారు. వార్డుల్లో కాసిపేట గ్రామ పంచాయతీలో రెండు నామినేషన్లు, కోనూర్‌లో ఒక నామినేషన్, దేవాపూర్‌లో రెండు నామినేషన్ల చొప్పున నామినేషన్లు వేశారు.

ముత్యంపల్లిలో ఏఎస్ఐ బూర రవీందర్ ఆధ్వర్యంలో పోలీస్ బందోబస్తు ఏర్పాటు చేశారు. ఆయా గ్రామ పంచాయతీల్లో నామినేషన్ కేంద్రాల్లో ఆర్వోలు, ఏఆర్వోలు, ఎంపీవో శేఖ్ సఫ్టర్ అలీ, సీనియర్ అసిస్టెంట్ ఆకుల లక్ష్మీనారాయణ తదితరులు పాల్గొన్నారు.