సొహైల్‌ (Bigboss Sohel), మృణాళిని హీరో హీరోయిన్లుగా నటించిన సినిమా ‘ఆర్గానిక్ మామ హైబ్రీడ్‌ అల్లుడు’. ఎస్వీ కృష్ణారెడ్డి దర్శకత్వం వహించారు.
ఈ చిత్రాన్ని కె అచ్చిరెడ్డి సమర్పణలో అమ్ము క్రియేషన్స్‌, కల్పన చిత్ర పతాకాలపై కోనేరు కల్పన నిర్మించారు. ఈ నెల 3న ఈ సినిమా విడుదలకు సిద్ధమవుతున్నది.
తాజాగా జరిగిన కార్యక్రమంలో దర్శకుడు ఎస్వీ కృష్ణారెడ్డి మాట్లాడుతూ...‘నా చిత్రాల్లో పాటలు బాగుంటాయి. ఇందులోనూ బాగా కుదిరాయి.
హీరో క్యారెక్టర్‌ దగ్గర నుంచి ప్రతి పాత్ర మిమ్మల్ని నవ్విస్తుంది. ఎన్నో విజయవంతమైన చిత్రాలు రూపొందించాను. ఈ సినిమా థియేటర్‌లో మీ నవ్వులు చూడాలని వేచి చూస్తున్నాను అన్నారు.
నిర్మాత సి కళ్యాణ్‌ మాట్లాడుతూ...మనసున్న ప్రతి ప్రేక్షకుడిని కదిలించే చిత్రమిది. కుటుంబంలోని ప్రేమ, అనుబంధాలు, భావోద్వేగాలు ఆకట్టుకుంటాయి. ఇంటర్వెల్‌ సన్నివేశం కట్టిపడేస్తుంది’ అన్నారు.
హీరో సోహైల్‌ మాట్లాడుతూ..‘ఇండస్ట్రీలో వారసత్వం ఎక్కువగా ఉంది అనడం సరికాదు. ఇలాంటి చిత్రాలతో ప్రతిభ గల నాలాంటి యువ నటులకూ అవకాశాలు దక్కుతున్నాయి.
ఎస్వీ కృష్ణారెడ్డి గారి సినిమాలు చూస్తూ పెరిగాను. ఆయన సినిమాలో హీరోగా నటించే అవకాశం రావడమే అదృష్టంగా భావిస్తున్నాను’ అన్నారు.
ఈ కార్యక్రమంలో నిర్మాత అచ్చి రెడ్డి, కోనేరు కల్పన తదితరులు పాల్గొన్నారు.
Bigboss Sohel at Organic Mama Hybrid Alludu Movie Press Meet
