super queen | ఆ ప‌ది మందిలో సూపర్‌ క్వీన్‌ ఎవరో?

November 28, 2021 / 02:58 AM IST

super queen | పదిమంది బుల్లితెర నటీమణులతో సూపర్‌ క్వీన్‌ అనే ఓ రియాలిటీ షోను ప్రారంభిస్తున్నది జీ తెలుగు.

super queen | మహిళల కోసమే ప్రత్యేకించి సీరియళ్లతోపాటు వంటలు, కళలు, ఫ్యాషన్‌ తదితర అంశాలకు సంబంధించి రకరకాల షోలు రూపొందిస్తున్నాయి టీవీ చానళ్లు. అడుగడుగునా అవరోధాలు, అవమానాలు ఎదురైనా వెనకడుగు వేయకుండా.. జీవితంలో విజేతలై నిలిచి ప్రేక్షకుల మనసులలో తమకంటూ ఓ స్థానాన్ని సంపాదించుకున్న పదిమంది బుల్లితెర నటీమణులతో ‘సూపర్‌ క్వీన్‌’ అనే ఓ రియాలిటీ షోను ప్రారంభిస్తున్నది జీ తెలుగు.

శివ జ్యోతి, స్నిగ్ధ, శోభాశెట్టి, పూజ మూర్తి, నవ్య స్వామి, భాను శ్రీ, మధుమిత, శ్రీ సత్య, యాష్మి గౌడ, లాస్య మంజునాథ్‌ ఈ కార్యక్రమంలో పోటీదారులు. సంస్కృతి, ఆత్మరక్షణ, జీవనశైలి, వినోదం వంటి అంశాలపై రకరకాల టాస్క్‌లతో ఆసక్తికరంగా సాగే ఈ షోలో చివరివరకు నిలిచిన వారిదే ‘సూపర్‌ క్వీన్‌’ కిరీటం. ప్రతి ఆదివారం మధ్యాహ్నం 12 గంటలకు ప్రసారమయ్యే ఈ కార్యక్రమానికి యాంకర్‌గా ప్రదీప్‌ మాచిరాజు వ్యవహరించనున్నారు. నేటి ప్రారంభ ఎపిసోడ్‌కు అనుపమ పరమేశ్వరన్‌, రాజ్‌ తరుణ్‌, నిహారిక కొణిదెల తదితరులు ముఖ్య అతిథులుగా రానున్నట్టు జీ తెలుగు బృందం తెలిపింది.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి