Chitra Das | పుట్టినరోజులు, వివాహాలు, మర్యాద పూర్వక భేటీల్లాంటి ప్రత్యేక సందర్భాల్లో చాలా మంది అవతలి వారికి శుభాకాంక్షలు చెప్పేందుకు పుష్పగుచ్ఛాలను ఎంచుకుంటారు. ఆ బొకేలను ఎంత ప్రేమగా దాచుకున్నా ఒకట్రెండు రోజుల్లోనే వాడిపోతాయి. అలా కాకుండా, అందులోని పూలు నెలల తరబడి వసివాడకుండా ఉంటే కనుక, బొకే అనేది తిరుగులేని బహుమతి అవుతుందని ఆలోచించారు హైదరాబాదీ చిత్రాదాస్.
దాన్నో వ్యాపార ఆలోచనగా మార్చి ‘చాంప్స్ ఫ్లవర్ ( Champs fleur )’ పేరిట పూల కానుకలు అందించే సంస్థను స్థాపించారు. అందులో ‘ఫరెవర్ రోజెస్’గా పిలిచే గులాబీ ఏడాదికిపైగా వాడిపోకుండా ఉంటుంది. జపాన్ టెక్నాలజీతో నాలుగు అంచెల్లో పూల నిల్వ ప్రక్రియ జరుగుతుంది. ఒక్క గులాబీలే కాదు హైడ్రాంజియాలు, బేబీస్ బ్రెత్, రైస్ ఫ్లవర్స్లాంటి పుష్పాల జీవితకాలాన్నీ పెంచుతున్నారు. వాటిని గాజు పెట్టెల్లో అందంగా అమర్చి విక్రయిస్తున్నారు. అంతేకాదు, ఈ తరహా పూలతో హెయిర్ క్లిప్లు, వేణీలు, బ్రూచ్ల లాంటి యాక్సెసరీలనూ తయారు చేస్తున్నారు. సంస్థ వెబ్సైట్లో అనేక మోడళ్లు అందుబాటులో ఉన్నాయి. ఆర్డర్ చేస్తే చాలు, దేశవ్యాప్తంగా ఎక్కడికైనా పంపుతారు.
“మాకు మేమే సెక్యూరిటీ.. తమను తాము కాపాడుకునేందుకు సైన్యంగా మారిన బాలికలు”