పాలకూర పెరుగు పచ్చడి

కావలసిన పదార్థాలు:
పాలకూర కట్టలు: నాలుగు, పుల్ల పెరుగు: ఓ కప్పు, పచ్చి కొబ్బరి: అర కప్పు, పచ్చిమిర్చి: రెండు, మిరియాలు: నాలుగు, ఉప్పు: తగినంత, పోపు గింజలు: ఓ స్పూను, కరివేపాకు: ఓ రెబ్బ, నెయ్యి: ఓ స్పూను.

తయారీ విధానం:
ముందుగా పాలకూరను బాగా కడిగి ముక్కలుగా కట్‌ చేసి పెట్టుకోవాలి. ఓ పాన్‌లో నెయ్యి వేసి మిరియాలు, జీలకర్ర, పచ్చిమిర్చి వేయించాలి. తర్వాత పాలకూరను కూడా వేసి రెండు నిమిషాలు వేగాక దించి చల్లారనివ్వాలి. కొబ్బరి తురుము, ఉప్పు, కరివేపాకు, పాలకూర మిశ్రమం వేసి మెత్తగా రుబ్బుకోవాలి. దీన్ని ఓ గిన్నెలో వేసి, పెరుగు కలిపి పోపు పెడితే సరి.