అపోహలు తొలగుతున్నాయ్‌!

అప్పట్లో మొహం చూడటానికే ఇష్టపడేవారు కాదు. ఎదురు పడితే అరిష్టమనేవారు. చేతివంట అపవిత్రమని నమ్మేవారు. గుళ్లూ గోపురాలకు ఆమడదూరం పెట్టేవారు. రుతుస్రావానికి సంబంధించిన అర్థం లేని ప్రచారాలు అనేకం. క్రమంగా ఆ అబద్ధం తొలగుతున్నది. జాతీయ స్థాయిలో జరిగిన ఓ సర్వేలో ఎంతో కొంత పాజిటివ్‌ ఫలితాలే వచ్చాయి.

1. ముప్పై నాలుగేండ్లలోపు మహిళల్లో 90 శాతం మంది ఆ సమయంలోనూ వంటింట్లోకి వెళ్తున్నారు. వంటలు చేస్తున్నారు, వడ్డిస్తున్నారు.
2. 74 శాతం మంది ఆ మూడు రోజులూ ఎలాంటి అసౌకర్యం లేకుండా ప్యాడ్స్‌ ధరిస్తున్నారు. నిస్సంకోచంగా దుకాణానికి వెళ్లి కొంటున్నారు.
3. ఆ సమయంలో తమ మానసిక స్థితిని, ఉద్వేగాల్ని భర్త (జీవిత భాగస్వామి) అర్థం చేసుకుంటున్నారనీ, సహకరిస్తున్నారనీ 51 శాతం మంది వెల్లడించారు.
4. స్త్రీల జీవితంలో ఓ భాగమైన రుతుచక్రం గురించి కూతుళ్లకే కాదు కొడుకులకూ బోధిస్తున్నామని 20 శాతం మంది తల్లులు అంగీకరించారు.