ముల్లంగి అనగానే తెలుపు రంగులో ఉండే కూరగాయే గుర్తుకొస్తుంది. అయితే దీనికి భిన్నంగా.. మధ్యలో నిండు గులాబీ రంగుతో, చుట్టూ ఆకుపచ్చ వర్ణంలో కనువిందు చేస్తుంది వాటర్మెలన్ రాడిష్. అదే.. తర్బూజ లాంటి ముల్లంగి అన్నమాట. అలాగని ఇదేం తియ్యగా ఉండదు. ముల్లంగి కంటే కాస్త తియ్యగా, కొంచెం ఘాటుగా ఉంటుంది. చైనా మూలాలున్న ఈ దుంప భారత్లోనూ దొరుకుతుంది. సాధారణ ముల్లంగిలాగే ఏడాది పొడవునా పండినా.. చలికాలంలో ఉత్పత్తి ఎక్కువగా ఉంటుంది. ఈ దుంపల్లో విటమిన్-ఎ,సితో పాటుగా పొటాషియం, మెగ్నీషియం, క్యాల్షియం లాంటి ఖనిజ లవణాలు, యాంటీ ఆక్సిడెంట్ల్లు పుష్కలంగా లభిస్తాయి. దీన్ని సలాడ్కు జోడించామంటే.. చూసేందుకు అందంగా కనిపిస్తుంది, ఆరోగ్యాన్నీ ఇస్తుంది. ఆలస్యమెందుకు.. ఆర్డర్ చేయండి!