పోషకాల నేస్తం..పిస్తా!

జీవనశైలి మార్పుల కారణంగా చిన్న వయసులోనే అనేక అనారోగ్యాలు దాపురిస్తున్నాయి. వ్యాయామంతోపాటు సరైన ఆహారం ద్వారా జీవనశైలి రోగాలను నియంత్రించవచ్చు. ఆ ప్రయత్నంలో పిస్తా.. నేస్తంలా సహకరిస్తుంది.

జీవనశైలి మార్పుల కారణంగా చిన్న వయసులోనే అనేక అనారోగ్యాలు దాపురిస్తున్నాయి. వ్యాయామంతోపాటు సరైన ఆహారం ద్వారా జీవనశైలి రోగాలను నియంత్రించవచ్చు. ఆ ప్రయత్నంలో పిస్తా.. నేస్తంలా సహకరిస్తుంది.

కేలరీలు తక్కువ: మిగతా పప్పు గింజలతో పోలిస్తే పిస్తాలో కేలరీలు, కొవ్వు శాతం తక్కువ. జీర్ణం కావడానికి సమయం పడుతుంది. అందువల్ల పిస్తా తిన్నాక పొట్ట నిండుగా అనిపిస్తుంది. ఇంకేమీ తినాలనిపించదు. దాంతో బరువు పెరిగే సమస్య ఉండదు.

తక్కువ ైగ్లెసిమిక్‌ ఇండెక్స్‌: ఫలానా పదార్థం తిన్న తర్వాత ఎంత వేగంగా చక్కెరగా మారి రక్తంలో కలుస్తుందో చెప్పే సూచిక.. ైగ్లెసిమిక్‌ ఇండెక్స్‌. పిస్తాల
ైగ్లెసిమిక్‌ ఇండెక్స్‌ తక్కువ. దీనివల్ల గ్లూకోజ్‌ స్థాయులు ఉన్నట్టుండి పెరిగే ఆస్కారమే లేదు.

అసంతృప్త కొవ్వులు అపారం: పిస్తాలో మోనో అన్‌శాచురేటెడ్‌, పాలీ అన్‌శాచురేటెడ్‌ కొవ్వులు అధికం. ఇవి రక్తంలో చక్కెర స్థాయి పెరగకుండా ఉపకరిస్తాయి. అందుకే పిస్తాలను ఆహారంలో భాగం చేసుకోవడం వల్ల మధుమేహ ప్రమాదాన్ని 27 శాతం వరకూ తగ్గించుకోవచ్చని చెబుతారు నిపుణులు.

యాంటీ ఆక్సిడెంట్లు అధికం: పిస్తాలో ఫ్లేవనాయిడ్లతో పాటు ల్యూటెన్‌, జెక్సాంథిన్‌, బీటా కెరోటిన్లలాంటి యాంటీ ఆక్సిడెంట్లు పుష్కలం. ఇన్సులిన్‌ను ఉత్పత్తి చేసే క్లోమ గ్రంథి పనితీరు దెబ్బతినకుండా ఇవి సాయపడతాయి.

పీచు ఎక్కువ: పిస్తాలో సమృద్ధిగా ఉండే పీచు పదార్థం కారణంగా ఆహారం జీర్ణం కావడానికి అధిక సమయం పడుతుంది. దీనివల్ల శరీరం గ్లూకోజ్‌ను తీసుకునే ప్రక్రియ నెమ్మదిస్తుంది. ఫలితంగా చక్కెర స్థాయి సమతులంగా ఉంటుంది.

గుండెకు మేలు: మధుమేహం లేని వారితో పోలిస్తే ఉన్న వాళ్లలో గుండెజబ్బులు వచ్చే ఆస్కారం అధికం. రక్తంలో కొవ్వు శాతం పెరగకుండా చూస్తుంది పిస్తా.రక్త ప్రసరణను క్రమబద్ధీకరించి హృదయ సంబంధ వ్యాధుల నుంచి కాపాడుతుంది.