October 2 | గాంధీ జ‌యంతి మాత్ర‌మే కాదు.. ఈ రోజుకు మ‌రెన్నో విశేషాలున్న‌య్ !!

అక్టోబర్‌ 2 ( October 2nd )వ తేదీ.. జాతిపిత మహాత్మాగాంధీ జయంతి అని దేశమంతా తెలుసు. కానీ ఈ మహనీయుడి జన్మదినం నాడు మరెన్నో ప్రత్యేకతలు కనిపిస్తాయి. బాపూజీ జయంతిని అంతర్జాతీయ అహింసా దినోత్సవంగా జరుపుకొంటారు.

అక్టోబర్‌ 2 ( October 2nd )వ తేదీ.. జాతిపిత మహాత్మాగాంధీ జయంతి అని దేశమంతా తెలుసు. కానీ ఈ మహనీయుడి జన్మదినం నాడు మరెన్నో ప్రత్యేకతలు కనిపిస్తాయి. బాపూజీ జయంతిని అంతర్జాతీయ అహింసా దినోత్సవంగా జరుపుకొంటారు. దీనిని 2007 జూన్‌లో ఐక్యరాజ్యసమితి ప్రకటించింది. జాతిపిత జయంతినాడే మచ్చలేని నాయకుడు, కేంద్ర తొలి రైల్వేమంత్రి, రెండో ప్రధాని లాల్‌బహదూర్‌ శాస్త్రి జయంతి కూడా! ఈ ఇద్దరు మహనీయులు జన్మించిన సంవత్సరాలు వేరైనా తేదీలు ఒకటే కావడం విశేషం.

ఇక స్వాతంత్య్రోద్యమ చరిత్రలో విదేశీ వస్తు బహిష్కరణ కీలక పాత్ర పోషించింది. గాంధీజీ పిలుపు మేరకు భారతీయులు ఖాదీ దుస్తులు ధరించి స్వాతంత్య్ర సంగ్రామానికి మద్దతుగా నిలిచారు. ఈ నేపథ్యంలో మహాత్ముడి జయంతిని ‘జాతీయ ఖాదీ దినోత్సవం’గా నిర్వహిస్తున్నారు. ఇదే రోజును మాదకద్రవ్య వినిమయ వ్యతిరేక దినంగానూ చేసుకుంటారు. అక్టోబర్‌ 2 నుంచి 8వ తేదీ వరకు దాన్‌ ఉత్సవ్‌ (జాయ్‌ ఆఫ్‌ గివింగ్‌) వారంగా పిలుస్తారు. లేనివాళ్లకు తోచినంత దానం చేయడమే ఈ ఉత్సవ సందేశం. దాతృత్వం గొప్పదనాన్ని తెలియజేయాలనే సంకల్పంతో 2009లో ఈ కార్యక్రమాన్ని ప్రారంభించారు.

Read More :

“క‌రెన్సీ నోట్ల‌పై గాంధీ బొమ్మ ముద్ర‌ణ‌ ఎప్పుడు మొద‌లైంది? బోసి నవ్వుల గాంధీ బొమ్మ ఎక్క‌డిది?”