వాస్తవంగా బరువు తగ్గండి

చాలామంది బరువు తగ్గడం బాధ్యతగా భావిస్తారు. కానీ, పాటించడం దగ్గరికి వచ్చేసరికి పట్టుదల తక్కువే! సొంతవైద్యం కొంత, యూట్యూబ్‌ వైద్యం ఇంకొంత పాటిస్తూ ప్రాణాలమీదికి తెచ్చుకుంటున్నారు కొందరు. కానీ, ఇలాంటి ఉచిత సలహాల్లో నిజానిజాలు తెలుసుకుంటే మంచిది

చాలామంది బరువు తగ్గడం బాధ్యతగా భావిస్తారు. కానీ, పాటించడం దగ్గరికి వచ్చేసరికి పట్టుదల తక్కువే! సొంతవైద్యం కొంత, యూట్యూబ్‌ వైద్యం ఇంకొంత పాటిస్తూ ప్రాణాలమీదికి తెచ్చుకుంటున్నారు కొందరు. కానీ, ఇలాంటి ఉచిత సలహాల్లో నిజానిజాలు తెలుసుకుంటే మంచిది.

అపోహ: పిండి పదార్థాలు తింటే బరువు పెరుగుతారు.
వాస్తవం: చక్కెర, అధిక కొవ్వు ఉండే కార్బొహైడ్రేట్స్‌కు, పిండిపదార్థాలు అధికంగా ఉండే పండ్లు, కూరగాయలకు తేడా తెలియాలి. పిండిపదార్థాలు సమృద్ధిగా ఉండే కూరగాయలు బరువును నియంత్రించడంలో సాయపడతాయి.

అపోహ: తీవ్ర కసరత్తులు చేయాలి.
వాస్తవం: గంటల తరబడి వర్కవుట్లు చేస్తే బరువు తగ్గుతాం అనుకుంటే పొరపాటే! నిపుణుల సలహా మేరకు కసరత్తులు చేయాలి. అర్ధగంట నుంచి గంటపాటు సరైన వ్యాయామం చేస్తే సరిపోతుంది.

అపోహ: తిండి మానేయాలి.
వాస్తవం: రెండుపూటలా అన్నం మానేసి కఠిన ఉపవాసం పాటించడం డైటింగ్‌ అనిపించుకోదు. పోషకాలతో కూడిన ఆహార పదార్థాలను మితంగా, క్రమం తప్పకుండా తీసుకోవడం వల్ల బరువు తగ్గే అవకాశం ఉంటుంది.