Gold ATM | గోల్డ్‌ ఏటీఎం ఎలా పనిచేస్తుంది?

Gold ATM | రూపాయి నాణెం వేస్తే రంగురంగుల చాక్లెట్లు గలగలమంటూ వచ్చి అరచేతిలో పడ్డట్టే.. డెబిట్‌ కార్డ్‌ పెట్టి, మీటనొక్కగానే తళతళ మెరిసే బంగారు నాణేలు చేతిలో రాలతాయి! జువెలరీ షాపు వరకూ వెళ్లకుండా బంగారం కొనాలనుకునే వారికోసం ‘గోల్డ్‌ ఏటీఎం’లు సిద్ధం అవుతున్నాయి.

ఇప్పుడు బంగారం కొనడం క్షణాల్లో పని. ఆఫీస్‌ నుంచి ఇంటికిపోతూ.. బ్యాంకు ఏటీఎంలో డబ్బు డ్రా చేసుకున్నట్టుగానే, గోల్డ్‌ ఏటీఎంలో బంగారం కొనుక్కోవచ్చు. ఇప్పటి దాకా లండన్‌, దుబాయ్‌ లాంటి అంతర్జాతీయ నగరాలకే పరిమితమైన గోల్డ్‌ ఏటీఎంలు త్వరలోనే హైదరాబాద్‌లోనూ ఏర్పాటు కానున్నాయి. ఇక్కడ డెబిట్‌ కార్డ్‌, క్రెడిట్‌ కార్డ్‌తో బంగారం కొనుక్కోవచ్చు. ఈ ఏటీఎంలను ‘అజ్తార్‌ గ్రూప్‌’కు చెందిన గోల్డ్‌ సిక్కా లిమిటెడ్‌ కంపెనీ ఏర్పాటు చేస్తున్నది. ఈ సంస్థ ప్రీ పెయిడ్‌, పోస్ట్‌ పెయిడ్‌ స్మార్ట్‌ కార్డులు కూడా తెస్తున్నది. అర తులం నుంచి పది తులాల వరకు అయితే నాణేల రూపంలో, అంతకంటే ఎక్కువ కొనాలనుకొంటే బిస్కెట్ల రూపంలో ఏటీఎం నుంచి బంగారం బయటికి వస్తుంది. దాంతోపాటే స్వచ్ఛతను తెలిపే సర్టిఫికెట్‌ కూడా. ప్రపంచ మార్కెట్‌ కదలికలను బట్టి ధరలూ మారిపోతాయి. ఆ క్షణంలో ఉన్న ధరనే మనం చెల్లించాల్సి ఉంటుంది. ఉదయం 9:50 నుంచి రాత్రి 11:30 వరకు ఈ ఏటీఎంలలో కొనుగోళ్లు చేయవచ్చు.

 

Read More :

“Gold Investment | బంగారం కొనుగోలుకిదే ఛాన్స్‌.. బ‌ట్ ప్యూరిటీ గుర్తించేదెలా?!”

“Womens on Homes | బంగారం కంటే సొంతిల్లు ముద్దు.. 69% మ‌హిళ‌ల మ‌నోగ‌తం”

“ఏటీఎం వద్ద ఒక కస్టమర్ ఎంతసేపు ఓపికగా ఉండగలరో తెలుసా? ఆర్బీఐ నివేదికలో సంచలన విషయం”