health tips | మన తాత ముత్తాతలంతా రసాయనాల్లేని ఆహారమే తిన్నారు. ఏం తినాలనిపించినా ఇంట్లోనే వండుకొన్నారు. వాళ్లు పుష్కలంగా వాడిన సంప్రదాయ మసాలా దినుసులు ఔషధాల్లా పనిచేశాయి. కాబట్టే, వందేండ్లు ఆరోగ్యంగా జీవించారు. ఆ దినుసులను మనమూ వంటల్లో విరివిగా వాడితే ఉత్తమ ఫలితాలు ఉంటాయి.
ఇంగువ: ముద్దపప్పు తాలింపులో, పులిహోర తయారీలో ఎక్కువగా వాడతారు. ప్రత్యేకమైన రుచిని, వాసనను ఇస్తుంది. దీనివల్ల అజీర్తి సమస్యలు దూరం అవుతాయి.
జీలకర్ర: పోపు గింజల్లో ముఖ్యమైంది. ఇందులోని యాంటీ సెప్టిక్ గుణాలు వివిధ జ్వరాల నుంచి రక్షిస్తాయి. రోగ నిరోధక శక్తిని పెంచుతాయి. ఇది కడుపు నొప్పి, అజీర్తి, వాంతులు, విరేచనాలు
తదితర సమస్యలను నియంత్రిస్తుంది.
దాల్చిన చెక్క: మసాలా కూరల్లో, బగారా అన్నంలో ఎక్కువగా వాడతారు. కేకుల తయారీలోనూ పనికొస్తుంది. బ్లడ్ షుగర్ స్థాయిని నియంత్రణలో ఉంచుతుంది. అందువల్ల టైప్-2 మధుమేహ
బాధితులకు ఔషధంతో సమానం.
అల్లం: గ్యాస్ట్రో ఇంటెస్టినల్ సమస్యలను దూరం చేస్తుంది. మిగతా రోగుల్లో శస్త్ర చికిత్సల అనంతరం, క్యాన్సర్ పేషెంట్లలో కీమోథెరపీ తర్వాత వచ్చే వాంతులు, విరేచనాల సమస్యను తగ్గిస్తుంది. మోకాళ్ల నొప్పిని దూరం చేస్తుంది.
మిరియాలు: ఒకప్పుడు మనదేశంలో నల్ల మిరియాలు బాగా వాడేవారు. శ్వాస సంబంధ
సమస్యలు, దగ్గు, రక్తహీనత, గుండె జబ్బుల నుంచి ఇవి రక్షణ కలిగిస్తాయి. మాంగనీస్, ఐరన్, పొటాషియం, విటమిన్-కె, విటమిన్-సి కూడా పుష్కలం.
నువ్వులు: సెసామిన్, సెసామోలిన్ అనే ప్రత్యేక పదార్థాలను కలిగిన నువ్వులు రక్తంలోని చెడు కొలెస్ట్రాల్ను తగ్గిస్తాయి. వీటిలో జింక్, క్యాల్షియం, ఫాస్పరస్, కాపర్ అపారం. కాపర్ ఎముకల దృఢత్వాన్ని, సామర్థ్యాన్ని పెంచుతుంది.
– మయూరి ఆవుల
న్యూట్రిషనిస్ట్
Mayuri@trudiet.in
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
ఉల్లి, వెల్లుల్లి..వీటిని రోజూ తీసుకుంటే ఆరోగ్యానికి మంచిదేనా?
ఈ కాయతింటే షుగర్ కంట్రోల్.. మలబద్ధకానికి చెక్..!!
ఆకాశన్నంటిన టమాటా ధరలు.. టమాట బదులు కూరల్లో వీటిని ట్రై చేయండి
cancer risk | ఈ గింజలు తింటే క్యాన్సర్ రాకుండా అడ్డుకోవచ్చు