షాండిలియర్ చాందిని!

ఆకాశానికి నక్షత్ర మండలంలా. ఇంటికి షాండిలియర్! ఎన్ని విద్యుత్ దీపాలున్నా.. షాండిలియర్ దర్జాయే వేరు! గదికి రాచఠీవిని తెస్తుంది. ఆ వేలాడే దీపాల గుత్తి.. అతిచిన్నగా మారిపోయి ఓ ఆభరణ రూపం ధరిస్తే? అవే షాండిలియర్ నగలు! ఆ జూకాలతో మగువ నడిచినంత మేరా సౌందర్య సౌధమే.
షాండిలియర్ నగల ప్రత్యేకతే వేరు. డిజైన్ ఒకటే. కానీ పలు వరుసల్లో, వివిధ ఆకారాల్లో.. క్రిస్టల్స్ను ఇముడ్చుకుని ధగధగలాడుతాయి. చెవి నుంచి మెడ వరకు వేలాడే షాండిలియర్ జూకాలు.. సంప్రదాయాన్నీ, ఆధునికతనూ ప్రతిబింబిస్తాయి.
చక్కగా చవకగా
షాండిలియర్ డిజైన్లలో క్రిస్టల్స్ కాకుండా.. కాగితం, ఫ్యాబ్రిక్ ముక్కలను జోడించి కూడా నగలను రూపొందిస్తున్నారు. వీటి ధర చాలా తక్కువ. దీంతో రోజువారీ దుస్తులకు నప్పే రకరకాల డిజైన్లను కొనుగోలు చేయవచ్చు. ఆకులు, పువ్వులు, ఈకల వంటి ప్రకృతి అందాలను కూడా పొదుగుతున్నారు.
‘వన్ గ్రామ్’లోనూ
బంగారం, వెండి, ప్లాటినం తదితర లోహాలతో చేసిన ఆభరణాల్లో ముత్యాలు, వజ్రాలు, జాతిరత్నాలను పొదిగి కూడా షాండిలియర్ నగలను తయారు చేస్తున్నారు. తక్కువ ధరలో వన్గ్రామ్ గోల్డ్లోనూ అందుబాటులో ఉన్నాయి. తేలికపాటి క్రిస్టల్స్తో రూపొందించడం వల్ల ఎంత పెద్ద నగ పెట్టుకున్నా తేలికగానే అనిపిస్తుంది. కొన్ని డిజైన్లలో ఒక్క రాయి కూడా పొదగకుండానే.. కేవలం బంగారంతో దొంతరలు దొంతరలుగా షాండిలియర్ను పోలిన బంగారు పూసలను జతచేస్తారు. బుట్టాలు, గుట్టపూసలతో తయారయ్యే ఈ ఆభరణాలు సంప్రదాయ దుస్తులపై నిండుదనాన్ని ఇస్తాయి. ఆధునిక వస్ర్తాలపై ధరించేందుకు వీలుగా సన్నటి గొలుసులతో రూపొందించినవీ ఉన్నాయి.
ఊగుతూ.. ఊరిస్తూ!
ఈ నగలు చూసేందుకూ భిన్నంగా ఉంటాయి. సరికొత్తగా కనిపిస్తాయి. ఎగుడుదిగుడుగా, ఆరోహణ-అవరోహణ క్రమంలో ఉంటాయి. లయబద్ధంగా ఊగుతాయి. రాత్రిపూట జరిగే వేడుకల్లో విద్యుద్దీపాల వెలుగుతో పోటీ పడతాయి. పాపిటబిళ్లల నుంచి పట్టీల వరకు అన్ని ఆభరణాలూ షాండిలియర్ డిజైన్లలో అందుబాటులో ఉన్నాయి. తల నుంచి పాదాల వరకూ.. ఒకే కాన్సెప్ట్తో రూపొందించిన కాంబో ఆఫర్లలోనూ షాండిలియర్ మెరుపులు లభిస్తున్నాయి.
Read Today's Latest Zindagi News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

