‘ప్రొటీన్‌’ ప్రభావాలు అనేకం!

శరీరం సమర్థంగా పనిచేయడానికి ప్రొటీన్‌ చాలా అవసరం. ‘ప్రొటీన్‌’ అనగానే ఇదేదో కండపుష్ఠికి సంబంధించిన వ్యవహారమని అనుకుంటారు. జిమ్‌కు వెళ్లేవారికి, కొంత ఎక్కువ అవసరమైతే కావచ్చు కానీ, సామాన్యుల ఆరోగ్య వ్యవస్థలోకూడా ప్రొటీన్‌ కీలకమైందే. శరీరానికి ఆక్సిజన్‌ సరఫరాలోనూ ఇది పాత్ర పోషిస్తుంది. అంతేకాదు..

1. మనిషికి సంతోషకరమైన భావనను అందించే అనేక హార్మోన్ల ఉత్పత్తికి ప్రొటీన్‌ కావాలి. తగినంత ప్రొటీన్‌ అందక పోతే భావోద్వేగాల్లో తేడా వస్తుంది. ఏకాగ్రత తగ్గుతుంది. జ్ఞాపకశక్తి మందగిస్తుంది.
2. కొంతమంది ఎంత డైట్‌ చేసినా, కసరత్తులతో ఎంత చెమట కార్చినా కించిత్‌కూడా బరువు తగ్గరు. దీనికి కూడా ప్రొటీన్‌ లోపమే కారణం.
3. శరీరానికి తగినంత ప్రొటీన్‌ అందకపోతే బ్లడ్‌ షుగర్‌ లెవెల్స్‌ పడిపోతాయి. ఆకలి పెరుగుతుంది. అప్పుడు అడ్డమైన గడ్డీ తినవలసి వస్తుంది.
4. చర్మం, గోళ్లు ప్రొటీన్‌ పదార్థంతోనే తయారవుతాయి. ప్రొటీన్‌ లోపంతో గోళ్ల రంగు మారుతుంది. వెంట్రుకలు రాలిపోతాయి.