Visit:
జనగామ : మంత్రి పొంగులేటి శ్రీనివాస్రెడ్డి ( Minister Ponguleti ) కి జనగామ ( Janagama ) జిల్లా కేంద్రంలో మహిళల నుంచి నిరసన వ్యక్తమయ్యింది. ఎన్నికలకు ముందు ఇచ్చిన హామీలు ( Promises ) ఎందుకు అమలు చేస్తలేరని ఆగ్రహం వ్యక్తం చేశారు. శనివారం జిల్లా కేంద్రంలో జరిగిన వివిధ అభివృద్ధి పనులను ఆయన ప్రారంభించారు. అనంతరం జనగామ ప్రెస్టన్ కాలేజ్ గ్రౌండ్ లో నిర్వహించిన సభలో మాట్లాడుతుండగా ఇందిరమ్మ చీరలు కట్టుకున్న మహిళలు ప్రసంగానికి అడ్డుపడ్డారు.
బీఆర్ఎస్ అధినేత, తెలంగాణ తొలి ముఖ్యమంత్రి కేసీఆర్ చేసిన అభివృద్దే తప్ప తమ గ్రామంలో కాంగ్రెస్ ప్రభుత్వం చేసిన అభివృద్ధి ఏం లేదని నిలదీశారు. పెన్షన్ 4 వేలు చేస్తానని చెప్పిండ్రు కదా. ఏది అంటూ మంత్రిని ప్రశ్నించారు. ఇందిరమ్మ ఇండ్లు కాంగ్రెస్ వాళ్లకే ఇచ్చుకున్నారు. నిజమైన పేదవాళ్లకు ఎవరికి ఇచ్చిండ్రో చూపియ్యండి అంటూ మంత్రిని నిలదీశారు. అన్ని దొంగ మాటలు చెప్తున్నారు. అంటూ మంత్రిపై ఆగ్రహం వ్యక్తం చేశారు.
రూ. 500 లకే గ్యాస్ అన్నారు. ఇప్పుడు వెయ్యి రూపాయలు చేసిండ్రు. 500 కు గ్యాస్ ఎవరికి ఇస్తున్నారో చూపించాలని డిమాండ్ చేశారు. మహిళలు నిలదీస్తుండగా అడ్డుకున్న పోలీసుల పైనా మహిళలు ఆగ్రహం వ్యక్తం చేశారు.
