ఎన్‌హెచ్ఎం ఉద్యోగుల డిమాండ్లను నెరేవర్చాలి : గండ్ర వెంకటరమణారెడ్డి

ఎన్ హెచ్ఎం ఉద్యోగులు నిర్వహిస్తున్న నిరవధిక సమ్మెలో భూపాలపల్లి మాజీ ఎమ్మెల్యే గండ్ర వెంకటరమణారెడ్డి పాల్గొని సమ్మెకు మద్దతు తెలిపారు.

జయశంకర్ భూపాలపల్లి : ఎన్ హెచ్ఎం ఉద్యోగులను రెగ్యులర్ చేయాలని డిమాండ్ చేస్తూ జయశంకర్ భూపాలపల్లి జిల్లా కలెక్టర్ కార్యాలయం ముందు ఎన్ హెచ్ఎం ఉద్యోగులు నిర్వహిస్తున్న నిరవధిక సమ్మెలో భూపాలపల్లి మాజీ ఎమ్మెల్యే గండ్ర వెంకటరమణారెడ్డి పాల్గొని సమ్మెకు మద్దతు తెలిపారు. ఈ సందర్భంగా వెంకటరమణారెడ్డి మాట్లాడుతూ కరోనా లాంటి కష్ట కాలంలో తమ ప్రాణాలను సైతం లెక్కచేయకుండా రోగులకు వైద్యం అందించిన వైద్యులు నేడు కాంగ్రెస్ పాలనలో రోడ్లెక్కి ధర్నాలు, నిరవధిక సమ్మెలు చేయాల్సిన దుస్థితి నెలకొందన్నారు.

ప్రభుత్వ వైఫల్యంతోనే నేడు వైద్య సిబ్బంది రోడ్లు ఎక్కారని, ఎన్‌హెచ్ఎం ఉద్యోగుల న్యాయపరమైన డిమాండ్లను నెరవేర్చి వారిని రెగ్యులర్ చేయాలని డిమాండ్ చేశారు. ఈ కార్యక్రమంలో బీఆర్ఎస్ పార్టీ నాయకులతో పాటు ఎన్ హెచ్ఎం ఉద్యోగులు, తదితరులు పాల్గొన్నారు.