ఉచిత శిక్షణకు దరఖాస్తుల ఆహ్వానం

తెలంగాణ రాష్ర్ట ప్రభుత్వం షెడ్యూల్డ్​‍ కులాల అభివృద్ధి సంస్థ అధ్యయన కేంద్రం బంజారాహిల్స్ రోడ్‌ నెం 14 కేబీఆర్‌ పార్క్ ఎదురుగా యూనియన్‌ పబ్లిక్‌ సర్వీస్ కమీషన్‌(యూపీఎస్సీ) సివిల్‌ సర్వీస్ ఆప్టిట్యూడ్‌ టెస్ట్‍ (సీఎస్‌ఏటీ) 2025-26 విద్యా సంవత్సరం ప్రవేశానికి సంబంధించి నిర్వహించే ప్రిలిమినరీ పరీక్షకు దరఖాస్తు చేసుకోవాలని ఎస్సీ, స్టడీ సర్కిల్‌ ఉమ్మడి వరంగల్‌ జిల్లా శాఖా గౌరవ సంచాలకులు డాక్టర్‌ కొంగర జగన్‌మోహన్‌ సూచించారు.

హనుమకొండ చౌరస్తా, జూన్‌ 18: తెలంగాణ రాష్ర్ట ప్రభుత్వం షెడ్యూల్డ్​‍ కులాల అభివృద్ధి సంస్థ అధ్యయన కేంద్రం బంజారాహిల్స్ రోడ్‌ నెం 14 కేబీఆర్‌ పార్క్ ఎదురుగా యూనియన్‌ పబ్లిక్‌ సర్వీస్ కమీషన్‌(యూపీఎస్సీ) సివిల్‌ సర్వీస్ ఆప్టిట్యూడ్‌ టెస్ట్‍ (సీఎస్‌ఏటీ) 2025-26 విద్యా సంవత్సరం ప్రవేశానికి సంబంధించి నిర్వహించే ప్రిలిమినరీ పరీక్షకు దరఖాస్తు చేసుకోవాలని ఎస్సీ, స్టడీ సర్కిల్‌ ఉమ్మడి వరంగల్‌ జిల్లా శాఖా గౌరవ సంచాలకులు డాక్టర్‌ కొంగర జగన్‌మోహన్‌ సూచించారు.

33 జిల్లాలకు చెందిన నిరుద్యోగులైన, అర్హులైన ఎస్సీ, ఎస్టీ, బీసీ, మైనారిటీ వర్గాల వారు ఏదైనా గుర్తింపు పొందిన విశ్వవిద్యాలయం నుంచి డిగ్రీ ఉత్తీర్ణులై వార్షిక ఆదాయం 3లక్షలకు మించకుండా ఉన్నవారు tsstudycircle.co.in వెబ్‌ సైట్‌ ద్వారా ఆన్‌లైన్‌లో మాత్రమే 18 నుంచి వచ్చేనెల 7 వరకు దరఖాస్తు చేసుకోవాలని కోరారు. దరఖాస్తు చేసుకున్న అభ్యర్థులకు జులై 13న ఎంపిక పరీక్షా నిర్వహించడం జరుగుతుందని, ప్రవేశ పరీక్షలో పొందిన మెరిట్‌ ఆధారంగా అర్హులైన అభ్యర్థులకు ప్రవేశం కల్పించి ఎస్సీ స్టడీ సర్కిల్‌ బంజారాహిల్స్ హైదరాబాద్‌లో సివిల్‌ సర్వీస్ ప్రిలిమినరీ పరీక్షకు పది నెలల పాటు ఉచిత వసతి భోజనంతో కూడిన శిక్షణ ఇవ్వడం జరుగుతుందన్నారు. అర్హులైన అభ్యర్దులు తెలంగాణ రాష్ర్ట ప్రభుత్వం కల్పించిన ఈ సదవకాశాన్ని సద్వినియోగం చేసుకోవాల్సిందిగా కోరారు.