పైన పటారం.. లోన లొటారం..

రంగులతో అందంగా కనిపిస్తున్న ఈ భవనం కస్తూర్బాగాంధీ బాలికల పాఠశాలది. దీనిని ములుగు జిల్లా కన్నాయిగూడెం మండలంలోని ముప్పనపల్లిలో కొత్తగా నిర్మించారు. జీ ప్లస్‌ టూతో దీనిని చేపట్టగా ఇంకా నిర్మాణ దశలోనే ఉంది. గ్రౌండ్‌, మొదటి అంతస్తులో పనులు పూర్తి చేసినప్పటికీ రెండో అంతస్తును మాత్రం అలాగే వదిలేశారు.

July 13, 2024 / 05:26 AM IST

పనులు పూర్తికాని ముప్పనపల్లి కేజీబీవీ
నేడు ప్రారంభించనున్న మంత్రి సీతక్క

రంగులతో అందంగా కనిపిస్తున్న ఈ భవనం కస్తూర్బాగాంధీ బాలికల పాఠశాలది. దీనిని ములుగు జిల్లా కన్నాయిగూడెం మండలంలోని ముప్పనపల్లిలో కొత్తగా నిర్మించారు. జీ ప్లస్‌ టూతో దీనిని చేపట్టగా ఇంకా నిర్మాణ దశలోనే ఉంది. గ్రౌండ్‌, మొదటి అంతస్తులో పనులు పూర్తి చేసినప్పటికీ రెండో అంతస్తును మాత్రం అలాగే వదిలేశారు. పూర్తయిన గదుల్లో బెంచీలు, బెడ్స్‌ లేవు. కనీసం విద్యార్థుల సామగ్రి భద్రపర్చుకునేందుకు ఏర్పాట్లు చేయలేదు. సీలింగ్‌ ఫ్యాన్లు కూడా సరిగా లేవు. పాఠశాలకు కాంపౌండ్‌ వాల్‌తో పాటు గేట్‌ ఏర్పాటు చేయలేదు. కానీ, అధికారులు మాత్రం పాఠశాల ముందు భాగాన్ని ముస్తాబు చేసి శనివారం మంత్రి సీతక్కతో ప్రారంభించేందుకు ఏర్పాట్లు పూర్తిచేశారు. విద్యార్థినుల నుంచి ఉపాధ్యాయుల వరకు అందరూ మహిళలే ఉండే ఈ పాఠశాలను అరకొర వసతులతో ప్రారంభించొద్దని, మంత్రి సీతక్క ఈ విషయమై దృష్టి సారించాలని పలువురు కోరుతున్నారు.