నెక్కొండ ఉపాధ్యాయుడికి ఇస్రో ఆహ్వానం

నెక్కొండ జడ్పీహెచ్‌ఎస్‌లో ఉపాధ్యాయుడిగా పనిచేస్తున్న పూస కిశోర్‌కు ఇండియన్‌ ఇన్‌స్టిట్యూట్‌ ఆఫ్‌ రిమోట్‌ సెన్సింగ్‌(ఐఐఆర్‌ఎస్‌) ఆధ్వర్యంలో నిర్వహించనున్న ఐదు రోజుల శిక్షణకు ఆహ్వానం అందింది.

నెక్కొండ, జూన్‌ 9: నెక్కొండ జడ్పీహెచ్‌ఎస్‌లో ఉపాధ్యాయుడిగా పనిచేస్తున్న పూస కిశోర్‌కు ఇండియన్‌ ఇన్‌స్టిట్యూట్‌ ఆఫ్‌ రిమోట్‌ సెన్సింగ్‌(ఐఐఆర్‌ఎస్‌) ఆధ్వర్యంలో నిర్వహించనున్న ఐదు రోజుల శిక్షణకు ఆహ్వానం అందింది. భారత అంతరిక్ష పరిశోధనా సంస్థ (ఇస్రో), ఐఐఆర్‌ఎస్‌ సంయుక్తంగా పాఠశాలల్లో పనిచేస్తున్న ఉపాధ్యాయులకు ఆన్‌లైన్‌లో శిక్షణ ఇస్తున్నారు. ఇందులో కిశోర్‌కు అవకాశం దక్కింది. ఈయన స్థానిక ఉన్నత పాఠశాలలో హిందీ పండితుడిగా పనిచేయడంతోపాటు కొన్నేళ్లుగా సైన్స్‌ అండ్‌ టెక్నాలజీ, స్కూల్‌ ఇన్నోవేటివ్‌ చాలెంజెస్‌ తదితర కార్యక్రమాల్లో చురుగ్గా పాల్గొంటూ శాస్త్ర, సాంకేతిక అంశాలపై ఆసక్తిని కనబరుస్తున్నారు. ఈ నేపథ్యంలో జూన్‌ 10 నుంచి 14 వరకు ఐదు రోజులపాటు నిర్వహించనున్న శిక్షణకు కిశోర్‌ ఎంపికయ్యారు. ‘స్పేస్‌ టెక్నాలజీ, అనువర్త నాలు’ అంశంపై శిక్షణ ఉంటుందని కిశోర్‌ తెలిపారు. ఐఐఎస్‌ఆర్‌ నిర్వహించే శిక్షణకు కిశోర్‌ ఎంపికపై హెచ్‌ఎం రంగారావు, సహచర ఉపాధ్యాయులు హర్షం వ్యక్తం చేశారు. ఈ సందర్భంగా కిశోర్‌ను స్టేట్‌ కన్జ్యూమర్స్‌ కౌన్సిల్‌ వైస్‌ చైర్మన్‌ బూరుగుపల్లి శ్రవణ్‌కుమార్‌ అభినందించారు.