ఇంటర్‌ పరీక్షలు ప్రశాంతంగా షురూ

ఇంటర్మీడియట్‌ పరీక్షలు బుధవారం ప్రశాంతంగా ప్రారంభమయ్యాయి. తొలిరోజు ఇంటర్‌ ప్రథమ సంవత్సరం సంసృతం, తెలుగు పరీక్షలు జరిగాయి. హనుమకొండ జిల్లాలో ఏర్పాటు చేసిన 53 సెంటర్లలో 20,712 మంది విద్యార్థులకు గాను 19,986 మంది పరీక్షలు రాశారు.

నమస్తే తెలంగాణ నెట్‌వర్క్‌, ఫిబ్రవరి 28 : ఇంటర్మీడియట్‌ పరీక్షలు బుధవారం ప్రశాంతంగా ప్రారంభమయ్యాయి. తొలిరోజు ఇంటర్‌ ప్రథమ సంవత్సరం సంసృతం, తెలుగు పరీక్షలు జరిగాయి. హనుమకొండ జిల్లాలో ఏర్పాటు చేసిన 53 సెంటర్లలో 20,712 మంది విద్యార్థులకు గాను 19,986 మంది పరీక్షలు రాశారు.

జనగామ జిల్లాలోని 18 కేంద్రాల్లో 4,610 మందికి గాను 4,400 మంది, జయశంకర్‌ భూపాలపల్లి జిల్లాలోని 8 సెంటర్లలో 1,848 మందికి గాను 1,751 మంది, ములుగులోని 10 కేంద్రాల్లో 2004 మందికి గాను 1,871 మంది, మహబూబాబాద్‌లోని 19 సెంటర్లలో 4,935 మందికి గాను 4573 మంది, వరంగల్‌ జిల్లాలో 5363 మందికి గాను, 5094 మంది విద్యార్థులు పరీక్షలు రాసినట్లు అధికారులు తెలిపారు.