ప్రియురాలు బ్రేక‌ప్ చెప్ప‌డంతో ఊబ‌కాయం నుంచి కండ‌ల‌వీరుడిగా మారాడు!

ఊబ‌కాయం ఉంద‌ని గ‌ర్ల్‌ఫ్రెండ్ వ‌దిలివేయ‌డంతో ఏడాది పాటు క‌ష్ట‌ప‌డి ఏకంగా 70 కిలోల కొవ్వును క‌రిగించి కండ‌ల వీరుడిగా మారిన యువ‌కుడి ఉదంతం సోష‌ల్ మీడియాలో వైర‌ల్‌గా మారింది.

న్యూఢిల్లీ : ఊబ‌కాయం ఉంద‌ని గ‌ర్ల్‌ఫ్రెండ్ వ‌దిలివేయ‌డంతో ఏడాది పాటు క‌ష్ట‌ప‌డి ఏకంగా 70 కిలోల కొవ్వును క‌రిగించి కండ‌ల వీరుడిగా మారిన యువ‌కుడి ఉదంతం సోష‌ల్ మీడియాలో వైర‌ల్‌గా మారింది. అధిక బ‌రువుతో స‌త‌మ‌త‌మ‌వుతున్న పువిని అదే కార‌ణంతో అతడి ప్రియురాలు విడిచిపెట్టింది.

 

View this post on Instagram

 

A post shared by 🅿️uvi (gram_du_insta) (@npuvi96)

బ్రేక‌ప్ త‌ర్వాత కండ‌లు తీరిన దేహంతో పువి ట్రాన్స్‌ఫ‌ర్మేష‌న్ పలువురిలో స్ఫూర్తి నింపుతోంది. పువి అకుంఠిత దీక్ష‌తో స్ధూల కాయం నుంచి ఫిట్‌గా మారిన ప్ర‌స్థానం అత‌డిని ఆన్‌లైన్ స్టార్‌గా మార్చింది. ప్రియురాలు దూరం కావ‌డంతో పువి క‌సితో వ‌ర్క‌వుట్లు చేయ‌డం మొద‌లుపెట్టాడు. లైఫ్‌స్టైల్ మార్చుకుని క‌ఠిన వ్యాయామం చేశాడు.

139 కిలోల బ‌రువుండే పువి ఏడాది కాలంలోనే 70 కిలోలు త‌గ్గాడు. టిక్‌టాక్ యూజ‌ర్ పువి త‌న వ‌ర్క‌వుట్ వీడియోల‌ను త‌ర‌చూ షేర్ చేస్తుండే వాడు. గ‌తంలో ట్రిపుల్ఎక్స్ సైజ్ నుంచి ఇప్పుడు పువి స్మాల్ సైజ్‌కు మారిపోయాడు. పువి జిమ్ చేస్తున్న వీడియోలు, ఫోటోలు చూసిన నెటిజ‌న్లు అత‌డి ప‌ట్టుద‌ల‌, డెడికేష‌న్‌పై ప్ర‌శంస‌లు కురిపిస్తున్నారు.