పాములు అత్యంత ప్రమాదకర జంతువులు. చాలా పాములు విషపూరితమైనవి. అందుకే పాములంటే చాలామందికి భయం. పాము కనిపిస్తే చాలు గజగజా వణికిపోతారు. కానీ, ఓ వ్యక్తి భారీ కొండచిలువలతో ఆటాడుతున్నాడు. వాటితో కలిసి డ్యాన్స్ చేస్తున్నాడు. ఈ వీడియో నెట్టింట వైరల్గా మారింది.
ఈ వీడియోను ‘వరల్డ్ ఆఫ్ స్నేక్స్’ అనే యూజర్ ఇన్స్టాలో అప్లోడ్ చేశారు. ఓ వ్యక్తి భారీ కొండచిలువలను భుజాలపైకి ఎక్కించుకొని కనిపించాడు. వాటితో ఆటాడుతున్నాడు. కాగా, ఈ వీడియో చూసిన నెటిజన్లంతా ఆశ్చర్యానికి గురయ్యారు. కొందరు ఆగ్రహం వ్యక్తంచేశారు. ‘ఓ రోజు ఆ పాములకు నువ్వు ఆహారమైతవ్’ అని ఒకరు కామెంట్ చేయగా, ‘ప్రజలు వారి జీవితాలతో వారే ఆడుకుంటున్నారు’ అని మరొకరు వ్యాఖ్యానించారు.