ఆ బామ్మ వ‌య‌సు 105 ఏళ్లు.. అయినా ప‌రుగుపందెంలో పాల్గొని ప్ర‌పంచ రికార్డు సృష్టించింది

ఆ బామ్మ వ‌య‌సు 105 ఏళ్లు | 105 ఏళ్లు ఎవ‌రైనా జీవిస్తారా? ల‌క్ష‌ల్లో కోట్ల‌లో ఒక‌రికే ఆ అదృష్టం ద‌క్కుతుంది. వందేళ్లు బ‌తికినా కూడా కొంద‌రు అయితే మంచం నుంచి లేవ‌రు

November 15, 2021 / 03:57 PM IST

ఆ బామ్మ వ‌య‌సు 105 ఏళ్లు.. అయినా ప‌రుగుపందెంలో పాల్గొని ప్ర‌పంచ రికార్డు సృష్టించింది

105 ఏళ్లు ఎవ‌రైనా జీవిస్తారా? ల‌క్ష‌ల్లో కోట్ల‌లో ఒక‌రికే ఆ అదృష్టం ద‌క్కుతుంది. వందేళ్లు బ‌తికినా కూడా కొంద‌రు అయితే మంచం నుంచి లేవ‌రు. కాళ్లు కింద పెట్ట‌లేరు. క‌నీసం న‌డ‌వ‌లేరు. ఒక్క అడుగు కూడా ముందుకు వేయ‌రు. వ‌య‌సు మీద‌ప‌డుతున్న కొద్దీ ఒంట్లో శక్తి న‌శించి.. నీర‌సం వ‌చ్చేస్తుంటుంది. అందుకే వృద్ధులు ఎక్కువ‌గా న‌డ‌వ‌లేరు.. నిల‌బ‌డ‌లేరు.. ప‌రిగెత్త‌లేరు.

కానీ.. ఈ బామ్మ మాత్రం త‌న వ‌య‌సును ప‌క్క‌న పెట్టి ఏకంగా ప‌రుగుపందెంలో పాల్గొన్న‌ది. త‌న వ‌య‌సు ఎంతో తెలుసా 105 ఏళ్లు. వందేళ్లు దాటాక కూడా ఎంతో హుషారుగా ఉంటూ.. అంద‌రినీ ఉత్సాహప‌రుస్తూ త‌ను పరుగుపందెంలో పాల్గొని చేసిన ర‌చ్చ మామూలుగా లేదు.

జులియా హాకిన్స్ అనే 105 ఏళ్ల బామ్మ గురించే మ‌నం మాట్లాడుకునేది. త‌న‌ది యూఎస్‌. రిటైర్డ్ టీచ‌ర్. త‌న‌కు 101 వ‌య‌సు వ‌చ్చిన‌ప్ప‌టి నుంచి ర‌న్నింగ్ చేయ‌డం ప్రారంభించింది. త‌నకు 80 ఏళ్ల వ‌య‌సు ఉన్న‌ప్పుడే నేష‌న‌ల్ సీనియ‌ర్ గేమ్స్‌లో పాల్గొన్న‌ది.

ఆ అనుభ‌వంతోనే ఇప్పుడు ర‌న్నింగ్ మీద దృష్టి పెట్టింది. త‌నకు 105 ఏళ్ల వ‌య‌సు అన్న సంగ‌తి కూడా మ‌రిచిపోయి లూయిసియానా సీనియ‌ర్ గేమ్స్ స్టేడియంలో.. స్ప్రింటింగ్‌లో పాల్గొన్న‌ది. 100 మీట‌ర్ల స్ప్రింటింగ్‌లో పాల్గొని కేవ‌లం నిమిషం మీద రెండు సెక‌న్ల టైమ్‌లో ప‌రుగును పూర్తి చేసి ప్ర‌పంచ రికార్డును నెల‌కొల్పింది. ఈ ఫీట్ పూర్తి చేసిన ప్ర‌పంచంలోనే అత్యంత వృద్ధ మ‌హిళ‌గా చ‌రిత్ర సృష్టించింది జులియా.