మరి కొద్ది రోజులలో పెళ్లి పీటలెక్కనున్న మెహరీన్ కౌర్ తన ప్రేమ, పెళ్లి ముచ్చట్లను మీడియాతో పంచుకుంది. రాజస్థాన్ లోని జైపూర్ అలీలా కోటలో మార్చి 12న మెహరీన్, భవ్యల నిశ్చితార్ధం ఘనంగా జరగగా, వింటర్లో డెస్టినేషన్ వెడ్డింగ్ చేసుకోనున్నాం అంటుంది ఈ ముద్దుగుమ్మ. భవ్యతో లాక్ డౌన్ సమయంలోనే పరిచయం ఏర్పడిందని, ఫోన్ ద్వారా ఎక్కువ సంభాషించుకునే వాళ్లం అంటుంది మెహరీన్.
భవ్య బర్త్ డే రోజు అండమాన్ వెళ్ళగా ఇద్దరం క్యూబా డైవిండ్ చేశాం. ఆ సమయంలో సముద్ర గర్భంలో నాకు ప్రపోజ్ చేశాడు. మోకాలిపై కూర్చొని ‘విల్ యూ మ్యారీ మీ’ అంటూ తన ప్రేమను వ్యక్త పరిచాడు భవ్య. ఫస్ట్ కాస్త ఆశ్చర్యం కలిగిన తర్వాత అతని ప్రపోజల్కు ఓకే చెప్పేశాను అంటుంది మెహరీన్. పెళ్లి తర్వాత మెహీన్ సినిమాలు చేస్తుందా అంటే దీనిపై ఇంకా పూర్తి క్లారిటీ అయితే లేదనే చెప్పాలి.