KTR | మోదీ జీ.. 4 నెలలైనా ఆర్‌ఆర్‌ ట్యాక్స్‌పై చర్యలు తీసుకోలేదు ఎందుకు: కేటీఆర్‌

తెలంగాణలో ఆర్ఆర్ ట్యాక్స్ గురించి ప్రధాని మోదీ మాట్లాడి నాలుగు నెలలు గుడుస్తున్నా ఇప్పటి వరకు ఎందుకు చర్యలు తీసుకోలేదో చెప్పాలంటూ బీఆర్ఎస్ వర్కింగ్ ప్రెసిడెంట్ కేటీఆర్ (KTR) ప్రశ్నించారు. తెలంగాణలో కాంగ్రెస్‌ ప్రభుత్వం భారీ అవినీతిలో కూరుకుపోయిందని స్పీచ్‌లు ఇస్తారు.

హైదరాబాద్‌: తెలంగాణలో ఆర్ఆర్ ట్యాక్స్ గురించి ప్రధాని మోదీ మాట్లాడి నాలుగు నెలలు గుడుస్తున్నా ఇప్పటి వరకు ఎందుకు చర్యలు తీసుకోలేదో చెప్పాలంటూ బీఆర్ఎస్ వర్కింగ్ ప్రెసిడెంట్ కేటీఆర్ (KTR) ప్రశ్నించారు. తెలంగాణలో కాంగ్రెస్‌ ప్రభుత్వం భారీ అవినీతిలో కూరుకుపోయిందని స్పీచ్‌లు ఇస్తారు. కానీ మీ క్యాబినెట్‌లోని మంత్రులు కిషన్‌ రెడ్డి, బండి సంజయ్‌ ఆర్‌ఆర్‌ ట్యాక్స్‌ గురించి గానీ, కాంగ్రెస్‌ అవినీతి గురించి గానీ ఎందుకు మాట్లాడరు అని ప్రశ్నించారు. వారు మీతో ఏకీభవించట్లేదా లేకా.. మీ విమర్శ కేవలం ఎలక్షన్‌ స్టంటా? అంటూ ఎక్స్‌ వేదికగా నిలదీశారు. లోక్‌సభ ఎన్నికల ప్రచారం సందర్భంగా ఆర్‌ఆర్‌ ట్యాక్స్‌ గురించి ప్రధాని మోదీ మాట్లాడిన వీడియోను పోస్ట్ చేశారు.

PM Modi Ji,

It’s been more than 4 months since you talked about “RR Tax” in Telangana

Any specific reason why no action has been initiated by your Govt?

While you say Congress in Telangana has been indulging in massive corruption, why do neither of your colleagues in Cabinet… https://t.co/BqwWIIKS2h

— KTR (@KTRBRS) September 16, 2024

లోక్‌సభ ఎన్నికల సందర్భంగా తెలంగాణలో ప్రధాని మోదీ విస్తృతంగా ప్రచారం నిర్వహించారు. ఈ సందర్భంగా కలెక్షన్లలో ట్రిపుల్‌ ఆర్‌ సినిమాని డబుల్‌ ఆర్‌ ట్యాక్స్‌ మించిపోయిందని ప్రధాని ఆరోపించారు. RRR సినిమా వెయ్యి కోట్లు సాధిస్తే.. RR మాత్రం కొన్ని రోజుల్లోనే ఆ విలువను దాటేసిందన్నారు. RR నుంచి తెలంగాణను విముక్తి చేయాలంటూ స్పీచ్‌లు ఊదరగొట్టారు.