Basar IIIT | బాసర ట్రిపుల్ ఐటీకి నీటి కరువు.. నీటి సమస్యతో తరగతులు బంద్
Basar IIIT | నిర్మల్ జిల్లా బాసరలోని ట్రిపుల్ ఐటీకి నీటి దెబ్బ తగిలింది. రాజీవ్గాంధీ విజ్ఞాన సాంకేతిక విశ్వవిద్యాలయం(ఆర్జీయూకేటీ)లో తాగునీటి సమ స్య తలెత్తడంతో యాజమాన్యం ఇటీవల దస రా సెలవులను పొడిగించింది.
Basar IIIT | ముథోల్, అక్టోబర్ 25 : నిర్మల్ జిల్లా బాసరలోని ట్రిపుల్ ఐటీకి నీటి దెబ్బ తగిలింది. రాజీవ్గాంధీ విజ్ఞాన సాంకేతిక విశ్వవిద్యాలయం(ఆర్జీయూకేటీ)లో తాగునీటి సమ స్య తలెత్తడంతో యాజమాన్యం ఇటీవల దస రా సెలవులను పొడిగించింది. తాజాగా ఆన్లైన్ క్లాసులు నిర్వహించాలని నిర్ణయించింది. ఈ మేరకు 2026-27 సెమిస్టర్-1కు సం బంధించి ఆన్లైన్, బ్లెండెడ్, హైబ్రిడ్ మోడ్ షెడ్యూల్ను విడుదల చేసింది.
నూతన షెడ్యూల్ను అనుసరించి సోమవారం నుంచి పీయూసీ-1 మొదలు ఈ-4 వరకు ఆన్లైన్ తరగతులు ప్రారంభంకానున్నాయి. నవంబర్ 17 వరకు ఆన్లైన్లోనే సిలబస్ పూర్తి చేయాలని నిర్ణయించింది. క్యాంపస్కు విద్యార్థులు తిరిగి వచ్చే తేదీలకు సంబంధించి ప్రత్యేక మార్గదర్శకాలు జారీ చేసింది. ఎల్ నినో ప్రభావంతో ఏర్పడిన పరిస్థితుల దృష్ట్యా తీసుకున్న నిర్ణయానికి సహకరించాలని కోరింది.
మరమ్మతులకు నోచుకోని మోటర్లు
బాసర ట్రిపుల్ ఐటీలో సుమారు 9వేల మంది విద్యార్థులు చదువుతుండగా.. రోజుకు దాదాపు 25 లక్షల లీటర్ల నీరు అవసరమని తెలుస్తున్నది. గోదావరి నది నుంచి ఇంటెక్ వెల్ ద్వారా ట్రిపుల్ ఐటీకి నీటిని సరఫరా చేస్తుండగా మూడు మోటర్లలో ఒక దాంట్లో సమస్య తలెత్తింది.
దీంతో నీరు సరిపోదని గుర్తించి ఇటీవల సెలవులు పొడిగించినట్టు తెలుస్తున్నది. ప్రధానంగా గోదావరి నదిలోని సంపులో మూడు మోటర్లు నడిస్తేనే సమస్య పరిష్కారం అవుతుంది. కానీ.. ఇక్కడి మూడు మోటర్లు పాడయ్యాయి. దసరా సెలవులు ముగియడంతో ఒక మోటర్కు మరమ్మతులు చేశారు. దీంతో గోదావరి నది నుంచి ఇంటెక్ వెల్ ద్వారా క్యాంపస్లోని చెరువులోకి నీటిని తరలిస్తున్నారు. ఒక మోటర్తో చెరువు నింపి నీరందించడం కష్టమవుతున్నది. ఈ నీరు కేవలం బోధన సిబ్బందికి మాత్రమే సరిపోతాయని పలువురు పేర్కొంటున్నారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
Vrushakarma | రిలీజ్ వాయిదా రూమర్లకు చెక్.. వృశకర్మ ట్రైలర్ వచ్చేది ఎప్పుడంటే?
Yadagirigutta | యాదగిరిగుట్టకు పోటెత్తిన భక్తజనం.. ధర్మ దర్శనానికి 3 గంటల సమయం.
పెళ్లయిన తెల్లారే కొత్త పెళ్లికూతురికి ప్రసవం.. షాక్లో పెళ్లికొడుకు
S.S Karthikeya | కార్తికేయకు సూపర్ స్టార్ మహేశ్ బాబు స్పెషల్ బర్త్డే విషెస్.. ఫొటో వైరల్!
Vijay Antony | ‘నాన్నకుట్టి’ సినిమా ప్రమోషన్స్ కోసం జనరల్ బోగీలో ప్రయాణించిన విజయ్ ఆంటోనీ.. నెట్టింట వైరల్!
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

