VTGCET 2023 | 5వ తరగతి ప్రవేశాలకు దరఖాస్తుల గడువు పొడగింపు

VTGCET 2023 |  హైదరాబాద్ : సాంఘిక, గిరిజన, బీసీ, సాధారణ సంక్షేమ రెసిడెన్షియల్‌ విద్యాసంస్థల్లో( Residential Schools ) 5వ తరగతిలో ప్రవేశానికి సంబంధించిన దరఖాస్తుల స్వీకరణకు విధించిన గడువును మార్చి 20వ తేదీ వరకు పొడిగించారు.

VTGCET 2023 |  హైదరాబాద్ : సాంఘిక, గిరిజన, బీసీ, సాధారణ సంక్షేమ రెసిడెన్షియల్‌ విద్యాసంస్థల్లో( Residential Schools ) 5వ తరగతిలో ప్రవేశానికి సంబంధించిన దరఖాస్తుల స్వీకరణకు విధించిన గడువును మార్చి 20వ తేదీ వరకు పొడిగించారు. ఈ మేరకు సాంఘిక సంక్షేమ గురుకుల విద్యాలయాల సొసైటీ కార్యదర్శి రోనాల్డ్‌ రోస్‌( Ronald Ross ) గురువారం ఒక ప్రకటన విడుదల చేశారు.

ప్ర‌స్తుత‌ విద్యా సంవత్సరంలో 4వ తరగతి చదువుతున్న విద్యార్థులు ద‌ర‌ఖాస్తు చేసుకునేందుకు అర్హులు. ఓసీ, బీసీ విద్యార్థులైతే 9 ఏండ్లు నిండి.. 11 ఏండ్లు వయస్సు దాటని వారు, ఎస్సీ, ఎస్టీలైతే 13 ఏండ్లు దాటకూడ‌దు. తల్లిదండ్రుల వార్షిక ఆదాయం గ్రామీణ ప్రాంతాలైతే 1.50 లక్షలు, పట్టణాలైతే రూ. 2 లక్షలు మించని విద్యార్థులు ప్రవేశాలకు అర్హులని తెలిపారు. మరిన్ని వివరాలకు టోల్‌ ఫ్రీ నంబర్‌ 1800 425 45678లో సంప్రదించాలని, www.tgcet.cgg.gov.in వెబ్‌సైట్‌ను సందర్శించాలని సూచించారు. ఇదిలా ఉండగా ప్రవేశ పరీక్ష ఏప్రిల్‌ 23న ఉదయం11 నుంచి మధ్యాహ్నం ఒంటి గంట వరకు తెలంగాణ వ్యాప్తంగా నిర్దేశించిన కేంద్రాల్లో నిర్వహించనున్నారు.