Visit:
హనుమకొండ, సెప్టెంబర్ 22: ప్రజా సమస్యలపై ప్రశ్నిస్తున్న బీఆర్ఎస్ నాయకులు, మాజీ చీఫ్ విప్ దాస్యం వినయ్భాస్కర్పై పోలీసుల దాడి అమానుషమని మాజీ ఎంపీ బోయినపల్లి వినోద్కుమార్ ధ్వజమెత్తారు. మంగళవారం హనుమకొండ బాలసముద్రంలోని బీఆర్ఎస్ జిల్లా కార్యాలయంలో పార్టీ శ్రేణులతో కలి సి ఆయన మాట్లాడారు. మాజీ చీఫ్ విప్ దాస్యం వినయ్భాస్కర్ పార్టీ నాయకుల తో కలిసి వరంగల్ ఎంజీఎం దవాఖానలో రోగులను పరామర్శించేందుకు వెళ్తుండగా పోలీసులు అడ్డుకుని దాడి చేయడం బాధాకరమన్నారు.
ఈ ఘటనలో వినయ్భాస్కర్ తీవ్రంగా గాయపడగా, వద్దిరాజు గణేశ్తోపాటు పలువురు నాయకులకు గాయాలయ్యాని తెలిపారు. మెడికోలీగల్ నివేదికను పరిగణనలోకి తీసుకొని, చట్ట ప్రకారం కేసు నమోదు చేయాలని డిమాండ్ చేశారు. దాడి ఘటనపై మట్టెవాడ పోలీస్ స్టేషన్లో ఫిర్యాదు చేస్తామని వెంటనే ఎఫ్ఐఆర్ చేయాలని, లేనిపక్షంలో హ్యూమన్ రైట్స్లో ఫిర్యాదు చేస్తామని హెచ్చరించారు.
