మువ్వన్నెల్లో.. మన సౌధం!

భారతదేశానికి స్వాతంత్య్రం సిద్ధించి 75 ఏండ్లు పూర్తయిన సందర్భంగా దేశవ్యాప్తంగా వజ్రోత్సవాలు ఏడాది పొడవునా కొనసాగుతున్నాయి. రాష్ట్ర ప్రభుత్వం ఈ ఉత్సవాలను ప్రతిష్ఠాత్మకంగా తీసుకున్నది.

భారతదేశానికి స్వాతంత్య్రం సిద్ధించి 75 ఏండ్లు పూర్తయిన సందర్భంగా దేశవ్యాప్తంగా వజ్రోత్సవాలు ఏడాది పొడవునా కొనసాగుతున్నాయి. రాష్ట్ర ప్రభుత్వం ఈ ఉత్సవాలను ప్రతిష్ఠాత్మకంగా తీసుకున్నది. దీంట్లోభాగంగా పలు కార్యక్రమాలు నిర్వహించింది. ముగింపు వేడుకలను సైతం స్వాతంత్య్ర స్ఫూర్తి రగిలేలా నిర్వహించాలని సంకల్పించింది.

పౌరుల్లో జాతీయ స్ఫూర్తి, సమరోత్సాహం కలిగేలా తనదైన రీతిలో ఏర్పాట్లు చేస్తున్నది. ఈ యేటి పంద్రాగస్టు వేడుకలు ఘనంగా నిర్వహించాలని అధికారులకు ఆదేశాలు ఇచ్చింది. రాష్ట్ర రాజధాని నగరం నడిబొడ్డున అధునాతన హంగులతో రూపుదిద్దుకున్న రాష్ట్ర సచివాలయాన్ని జాతీయ పతాక రంగులతో కూడిన విద్యుద్దీపాలతో అలంకరించడంతో ఆకట్టుకుంటున్నది.