Visit:
సూర్యాపేట, మే 12 (నమస్తే తెలంగాణ): సూర్యాపేట డీఎస్పీ, పట్టణ ఇన్‌స్పెక్టర్‌ అవినీతి నిరోధక శాఖకు చిక్కారు. సంఘటన వివరాలు ఇలా ఉన్నాయి. సూర్యాపేటలో అనుమతులు లేకుండా నిర్వహిస్తున్న ఓ స్కానింగ్‌ సెంటర్‌పై టూటౌన్‌ పోలీస్‌స్టేషన్‌లో కేసు నమోదైంది.
కేసు లేకుండా చేయడానికి స్కానింగ్‌ సెంటర్‌ నిర్వాహకుడిని సూర్యాపేట డీఎస్పీ పార్థసారథి, పట్టణ ఇన్‌స్పెక్టర్‌ వీరరాఘవులు రూ.25 లక్షలు డిమాండ్‌ చేయగా రూ.16 లక్షలకు ఒప్పందం కుదిరింది. స్కానింగ్‌ సెంటర్‌ నిర్వాహకుడు ఏసీబీ అధికారులను ఆశ్రయించగా నల్లగొండ రేంజ్‌ ఎసీబీ డీఎస్పీ నేతృత్వంలోని బృందం ఫోన్‌ కాల్‌ రికార్డింగ్‌ ఆధారంగా డీఎస్పీ, ఇన్‌స్పెక్టర్‌ను అదుపులోకి తీసుకున్నారు. వీరిని నాంపల్లి కోర్టులో రిమాండ్‌ చేయనున్నట్టు అధికారులు తెలిపారు.
