నిరుద్యోగులకు శుభవార్త.. 1,540 ఏఈఈ పోస్టుల భర్తీకి నోటిఫికేషన్‌

హైదరాబాద్‌ : నిరుద్యోగులకు తెలంగాణ ప్రభుత్వం శుభవార్త చెప్పింది. రాష్ట్రంలో ఏఈఈ పోస్టులకు తెలంగాణ రాష్ట్ర పబ్లిక్‌ సర్వీస్‌ కమిషన్‌ నోటిఫికేషన్‌ జారీ చేసింది. 1,540 పోస్టులను భర్తీ చేయనున్నట్లు నోటిఫికేషన్‌లో పేర్కొంది. ఇవాళ మధ్యాహ్నం 3 గంటలకు టీఎస్‌పీఎస్సీ సమావేశమై.. వివిధశాఖల్లో ఉన్న ఖాళీగా ఉన్న అసిస్టెంట్‌ ఎగ్జిక్యూటివ్‌ ఇంజినీర్‌ పోస్టుల భర్తీపై చర్చించింది. అనంతరం వివిధశాఖల్లో ఉన్న ఏఈఈ పోస్టుల భర్తీకి నోటిఫికేషన్‌ జారీ చేసింది. ఈ నెల ఈ నెల 22 నుంచి వచ్చే అక్టోబర్‌ 14 వరకు దరఖాస్తులను స్వీకరించనున్నట్లు పేర్కొంది. పూర్తి నోటిఫికేషన్ ఈ నెల 15న విడుదల చేయనున్నది.

ఏఎంవీఐ నోటిఫికేషన్‌ రద్దు

మరోవైపు రవాణా శాఖలో అసిస్టెంట్‌ మోటార్ వెహికిల్ ఇన్‌స్పెక్టర్‌ పోస్టుల భర్తీకి జారీ చేసిన నోటిఫికేషన్‌ను రద్దు చేస్తున్నట్లు టీఎస్‌పీఎస్‌సీ పేర్కొంది. అభ్యర్థులకు హెవీ లైసెన్స్ ఉండాలన్న నిబంధనపై పలు అభ్యంతరాలు రావడంతో ఈ నిర్ణయం తీసుకున్నట్లు తెలిపింది. అర్హతల విషయంలోనూ పలు విజ్ఞప్తులు వచ్చాయని.. వాటిని రవాణా శాఖకు తెలియజేసినట్లు చెప్పింది. 113 ఏఎంవీ పోస్టు భర్తీకి జూలై 27 టీఎస్‌పీఎస్‌సీ నోటిఫికేషన్ విడుదల చేసిన విషయం విధితమే.