హైదరాబాద్ : టీఎస్ ట్రాన్స్కో, జెన్కో డైరెక్టర్ల భర్తీకి నోటీఫికేషన్లు విడుదలయ్యాయి. ట్రాన్స్కోలోని మూడు డైరెక్టర్ పోస్టులు, జెన్కోలోని 5 డైరెక్టర్ల పోస్టులకు ఈ నోటిఫికేషన్ విడుదలయ్యింది. అర్హులైన వారు మార్చి 1వ తేదీలోపు నిర్దేశించిన ఫార్మాట్లో దరఖాస్తులు నింపి విద్యుత్ సౌధలోని సీఎండీ కార్యాలయానికి పంపించాలని సూచించారు. దరఖాస్తుతో పాటు అవసరమైన అన్ని సర్టిఫికెట్లను జత చేయాలని తెలిపారు. ట్రాన్స్కో డైరెక్టర్ పోస్టులకు అయితే cmd@tstransco.in కు, జెన్కో డైరెక్టర్ల పోస్టులకు అయితే cmd@tsgenco.co.inకు ఆన్లైన్లో కూడా పంపించవచ్చని నోటిఫికేషన్లో పేర్కొన్నారు.
ఈ పోస్టులకు అభ్యర్థులు 62 ఏండ్లకు మించరాదని, సంబంధిత రంగంలో కనీసం 15 సంవత్సరాల అనుభవం ఉండాలని నోటిఫికేషన్లో తెలిపారు. మొత్తంగా 25 సంవత్సరాలపాటు కేంద్ర/రాష్ట్ర/ప్రభుత్వం అండర్టేకింగ్ సంస్థల్లో పనిచేసిన అనుభవం ఉండాలని అందులో పేర్కొన్నారు. ఎంపికైనవారు 2 సంవత్సరాలపాటు డైరెక్టర్గా కొనసాగుతారని, అవసరమైతే ఒక్కో సంవత్సరం చొప్పున మరో రెండు సంవత్సరాలు పొడిగింపు ఉంటుందని నోటిఫికేషన్లో పేర్కొన్నారు. మొత్తం 4 సంవత్సరాలు కొనసాగవచ్చని, డైరెక్టర్గా ఎంపికైన వారికి నెలకు ఏకమొత్తంగా రూ. 1.50 లక్షల జీతం, రూ. 30 వేలు ఇతర అలవెన్సులు ఉంటాయని తెలిపారు.