సీటీ సర్జరీ హెచ్‌వోడీపై వేటు

ఉస్మానియా దవాఖానలో పీజీ వైద్యురాలిని వేధింపులకు గురి చేసిన ఘటనలో విభాగాధిపతివై వేటు పడింది.

సుల్తాన్‌బజార్‌,మే 27. ఉస్మానియా దవాఖానలో పీజీ వైద్యురాలిని వేధింపులకు గురి చేసిన ఘటనలో విభాగాధిపతివై వేటు పడింది. మానసికంగా వేధింపులకు గురిచేస్తున్న సీటీ తొరాసిక్‌ సర్జరీ విభాగం హెచ్‌వోడీపై పీజీ వైద్యురాలు ఉన్నతాధికారులకు ఫిర్యాదు చేసిన విషయం తెలిసిందే.

ఉస్మానియా సూపరింటెండెంట్‌ డాక్టర్‌ నాగేందర్‌ తెలిపిన వివరాల ప్రకారం.. ఉస్మానియా దవాఖానాలోని సీటీ తొరాసిక్‌ సర్జరీ డిపార్ట్‌ మెంట్‌లో విధులు నిర్వహిస్తున్న పీజీ వైద్యురాలిని విభాగాధిపతి శ్రీనివాస్‌రెడ్డి వేధించడంతో రాష్ట్ర డీఎంఈకి ఫిర్యాదు చేశారు.

ఈ మేరకు వైద్యవిద్య సంచాలకురాలు డాక్టర్‌ వాణి, ప్రత్యేక కమిటీ పీజీ వైద్యురాలు, డిపార్ట్‌ విభాగాధిపతి, ఉద్యోగులను విచారించారు. అనంతరం హెచ్‌వోడీని వనపర్తి మెడికల్‌ కళాశాలకు బదిలీ చేస్తూ ఉత్తర్వులు జారీ చేశారు.