అప్పుల బాధతో రైతు ఆత్మహత్య

పంట దిగుబడులు రాక, అప్పులు తీర్చే మార్గం లేక మనస్తాపం చెందిన ఓ కౌలు రైతు ఆత్మహత్య చేసుకున్నాడు. ఈ విషాద ఘటన కరీంనగర్‌ జిల్లా గన్నేరువరం మండలం పారువెల్లలో చోటుచేసుకున్నది. పోలీసులు, కుటుంబ సభ్యులు తెలిపిన వివరాల ప్రకారం..

• దిగుబడులు రాక మనస్తాపం
• కరీంనగర్‌ జిల్లా పారువెల్లలో విషాదం

గన్నేరువరం, నవంబర్‌ 9 : పంట దిగుబడులు రాక, అప్పులు తీర్చే మార్గం లేక మనస్తాపం చెందిన ఓ కౌలు రైతు ఆత్మహత్య చేసుకున్నాడు. ఈ విషాద ఘటన కరీంనగర్‌ జిల్లా గన్నేరువరం మండలం పారువెల్లలో చోటుచేసుకున్నది. పోలీసులు, కుటుంబ సభ్యులు తెలిపిన వివరాల ప్రకారం.. పారువెల్లకు చెందిన గంగు రాజయ్య (50) తనకున్న మూడెకరాల భూమితోపాటు మరో 12 ఎకరాలు కౌలుకు తీసుకుని వరి, పత్తి, మక పంటలు సాగు చేశాడు. పెట్టుబడులతోపాటు ట్రాక్టర్‌ కొనుగోలు కోసం సుమారు రూ.8 లక్షల వరకు అప్పు చేశాడు.

ఈ ఏడాది వేసిన పంటల్లో సరైన దిగుబడులు రాకపోవడంతో తీవ్ర నష్టం వాటిల్లింది. అప్పులు ఎలా తీర్చాలో తెలియక తీవ్ర మనస్తాపం చెందాడు. ఈ క్రమంలో ఈ నెల 7న రాజయ్య తన పొలం వద్ద పురుగుల మందు తాగి పడిపోయాడు. గమనించిన కుటుంబ సభ్యులు ఆయన్ను కరీంనగర్‌ ప్రభుత్వ దవాఖానకు తరలించారు. పరిస్థితి విషమించడంతో సోమవారం మృతి చెందాడు. రాజయ్యకు భార్య రాజవ్వ, కూతురు, కొడుకు ఉన్నారు.