Heat Wave | రాష్ట్రంలో మండుతున్న ఎండ‌లు.. ఉమ్మ‌డి న‌ల్ల‌గొండ జిల్లాలో అత్య‌ధిక ఉష్ణోగ్ర‌త‌లు న‌మోదు

Heat Wave | రాష్ట్ర వ్యాప్తంగా ఎండ‌లు మండిపోతున్నాయి. భానుడి భ‌గ‌భ‌గ‌కు ప్ర‌జ‌లు విల‌విల‌లాడిపోతున్నారు. మండుటెండ‌ల‌కు ఉక్క‌పోత కూడా తీవ్ర‌మైంది. దీంతో జ‌నాలు ఉక్కిరిబిక్కిరి అవుతున్నారు. ఇవాళ రాష్ట్రంలో 46 డిగ్రీల‌కు పైగానే ఉష్ణోగ్ర‌త‌లు న‌మోదు అయ్యాయి.

Heat Wave | హైద‌రాబాద్ : రాష్ట్ర వ్యాప్తంగా ఎండ‌లు మండిపోతున్నాయి. భానుడి భ‌గ‌భ‌గ‌కు ప్ర‌జ‌లు విల‌విల‌లాడిపోతున్నారు. మండుటెండ‌ల‌కు ఉక్క‌పోత కూడా తీవ్ర‌మైంది. దీంతో జ‌నాలు ఉక్కిరిబిక్కిరి అవుతున్నారు. ఇవాళ రాష్ట్రంలో 46 డిగ్రీల‌కు పైగానే ఉష్ణోగ్ర‌త‌లు న‌మోదు అయ్యాయి.

పెద్ద‌ప‌ల్లి జిల్లాలోని మంథ‌నిలో 46.7, జ‌గిత్యాల జిల్లాలోని నేరెళ్ల‌లో 46.7, సూర్యాపేట జిల్లాలోని మున‌గాల‌లో 46.7, ఖ‌మ్మం జిల్లాలోని ప‌మ్మిలో 46.7, న‌ల్ల‌గొండ జిల్లా కామారెడ్డిగూడెంలో 46.6, మంచిర్యాల జిల్లాలోని హాజిపూర్‌లో 46.5, క‌రీంన‌గ‌ర్ జిల్లాలోని వీణ‌వంక‌లో 46.5, మ‌హ‌బూబాబాద్ జిల్లాలోని కేస‌ముద్రంలో 46.4, నారాయ‌ణ‌పేట జిల్లా ఉట్కూరులో 46.4 డిగ్రీల ఉష్ణోగ్ర‌త‌లు న‌మోదు అయ్యాయి.

ఉమ్మ‌డి న‌ల్ల‌గొండ జిల్లా వ్యాప్తంగా భానుడు త‌న ప్ర‌తాపం చూపించాడు. సూర్యాపేట జిల్లా మున‌గాల‌లో అత్య‌ధికంగా 46.7 డిగ్రీలు, న‌ల్ల‌గొండ జిల్లా కామారెడ్డిగూడెంలో 46.6 డిగ్రీల ఉష్ణోగ్ర‌త‌లు న‌మోదు కాగా, మ‌రో 29 ప్రాంతాల్లో 45 డిగ్రీల‌కు పైన ఉష్ణోగ్ర‌త‌లు న‌మోదైన‌ట్లు వాతావ‌ర‌ణ శాఖ వెల్ల‌డించింది. సూర్యాపేట జిల్లాలో 17 ప్రాంతాల్లో, యాదాద్రి జిల్లాలో 6 ప్రాంతాల్లో 45 డిగ్రీల‌కు పైగా ఉష్ణోగ్ర‌త‌లు న‌మోదు అయ్యాయి.