వయోవృద్ధుల కమిషన్‌ ఏర్పాటు

తల్లిదండ్రుల సంరక్షణ, వారి ఆలనాపాలన చూసే లక్ష్యంతో ప్రభుత్వం తీసుకొచ్చిన పర్యవేక్షణ చట్టం-2026 అమలుకు వయోవృద్ధుల కమిషన్‌ను ఏర్పాటు చేసింది.

• చీఫ్‌ కమిషనర్‌గా జస్టిస్‌ తిరుమలాదేవి

హైదరాబాద్‌, అక్టోబర్‌ 16 (నమస్తే తెలంగాణ): తల్లిదండ్రుల సంరక్షణ, వారి ఆలనాపాలన చూసే లక్ష్యంతో ప్రభుత్వం తీసుకొచ్చిన పర్యవేక్షణ చట్టం-2026 అమలుకు వయోవృద్ధుల కమిషన్‌ను ఏర్పాటు చేసింది. హైకోర్టు రిటైర్డ్‌ జడ్జి ఈ తిరుమలాదేవిని చీఫ్‌ కమిషనర్‌గా నియమిస్తూ గురువారం శిశు సంక్షేమ శాఖ కార్యదర్శి శృతిఓఝా ఉత్తర్వులు జారీ చేసింది.

ఈ పదవి లో ఆమె మూడేండ్లపాటు కొనసాగుతారు. ప్రభుత్వ, ప్రభుత్వరంగ సంస్థలు, ప్రభుత్వ ఖజానా నుంచి వేతనాలు పొందుతున్న ఉద్యోగులు.. తమ తల్లిదండ్రులను పట్టించుకోకుంటే 15శాతం వేతనం తల్లిదండ్రులకు జమచేసేలా ప్రభుత్వం ఈ చట్టానికి రూపకల్పన చేసింది. కమిషన్‌లో ప్రధాన కమిషనర్‌తోపాటు, ఇద్దరు కమిషనర్లు ఉంటారు. ఉద్యోగులు వారి తల్లిదండ్రుల సంరక్షణను విస్మరిస్తే వారి వేతనం నుంచి కోత విధిస్తారు.